Четверг, 28.03.2024, 13:05
Главная Регистрация RSS
Приветствую Вас, Гость
Категории раздела
ЕГЭ [49]
Учеба [31]
Спорт [58]
Родители [17]
Дети [13]
Документы [43]
Анонсы [20]
объявления
НИТ [37]
Новые информационные технологии
НПК [9]
семинары, конференции
Новости наслега [24]
Что нового в поселке
Разное [11]
Погода
Погода республики
Наш опрос
Оцените свой учебный год
Всего ответов: 91
Статистика

Онлайн всего: 1
Гостей: 1
Пользователей: 0
Форма входа

Поиск
Внимание
  • Телефон доверия:
  • 8(4112) 421028
  • 8(495) 1046838
  • Сунтарский улус 22226
  • "Горячая линия" ЕГЭ:
  • 8(4112)421046
  • "Горячая линия" ОГЭ:
  • 8(4112)421048
  • 8(495) 9848919
  • Календарь
    «  Ноябрь 2018  »
    ПнВтСрЧтПтСбВс
       1234
    567891011
    12131415161718
    19202122232425
    2627282930
    Главная » 2018 » Ноябрь » 28 » *СУНТААРДАР - МЕКСИКАҔА!*
    04:01
    *СУНТААРДАР - МЕКСИКАҔА!*

    *ҮТҮӨ ҮҮММҮТ КҮНҮНЭН! МЕКСИКАТТАН ЭҔЭРДЭ!*

     *СУНТААРДАР - МЕКСИКАҔА!*
    Бу этиини көрөн элбэх дьон олус соһуйбут, сөхпүт буолуохтааххыт. Ол Мексикаҕа туох сыаллаах, тугу гына диэн ыйытыкка хоруйдуубун. Сунтаартан *24 киһилээх делегация, Дьокуускай куораттан "Эллэйада" түмсүү, Вильям Федоровы уонна талааннаах дьону кытта ситимнэһэн биир сыл устата бэлэмнэнэн Мексика сиригэр Саха төрүт култууратын көрдөрө-билиһиннэрэ, улахан "Сибирь-Вальядолид: обмен двумя культурами" бырайыакка кытта кэллибит. Сыала-соруга Сунтаар -Мексика сирин кытта ытык түһүлгэлэри сөргүтэр туһунан сөбүлэҥ түһэрсии, саха аатын ааттата, үтүө үгэстэри, сиэри-туому, саха фольклорун атын омуктарга билиһиннэрэ, саха түһүлгэтин төрүттээн Аар Баҕах сэргэни туруоруу.

    Маннык сырыыннан "Сунтаар - Олоҥхо дойдута" буоларын бар дьоҥҥо көрдөрөн-иһитиннэрэн, кэскил ыччаттарга Саха сириттэн сылдьалларын киэн туттууну иитии, Мексика омуга саха норуотун кытта күн чаһыытын итэҕэллэрин ситимнээһин, тас дойду култууратын кытта билсиһэ уонна үлэбит ыырын кэҥэтэн, үлэбитигэр көрүү-билии хаҥатынабыт.

    Бэҕэһээ Сунтаар делегацията: салайааччы улуус баһылыгын солбуйааччы Гаврил Еремеев, култуура салайааччыта Мария Кобельянова, иистэнньэҥ, "Сунтаар ситимэ" түмсүү  салайааччыта Антонина Кириллина, алгысчыт Кураһаай Мэхээлэ, НВК Сунтаардааҕы салайааччыта Ольга Захарова, оператор-монтажер Вячеслав Борисов, Кириэстээхтэн Августина Платонова, "Одун" ансамбыл салайааччыта Василий Васильев уонна Дьаархантан, Сунтаартан, Тойбохойтон, Кутанаттан, Бордоҥтон, Кириэстээхтэн 18 оҕолор буолан Дьокуускайтан - Москваҕа 6 чаас, оттон Москваттан - Канкун куоракка диэри 12 чаас айаннаан, океан үрдүнэн көтөн Мексикаҕа этэҥҥэ айаннаан кэллибит. Бүгүн, Вильям Федоров, Юрий Ксенофонтов, Лука Егоров биһиги биир дойдулаахтарбыт Дьокуускайтан кэлэн Эдит Сото - "Новое человечество" түмсүү салайааччытын, учуонай тэрийээччилиин Вальядолид куоракка сэргэ уһана бардылар. Эдит Сото былырыын Сунтаарга ытык-мааны ыһыахпытыгар ыалдьыттаан итэҕэлбит чуо маарыҥнаһар, хатылаһар түгэннэрэ олус элбэхтэр диэн сөҕөн-махтайан барбыта, бу сырыыга аны биһигини ыҥыран, сир биэрэн саха түһүлгэтин Мексикаҕа төрүттээн эрэбит.

    Бырайыак сэтинньи 30 күнүттэн - ахсынньы 4 күнүгэр диэри Вальядолид куоракка тэриллиэхтээх, манна биһиги ытык ыһыахпытын көрдөрүөхтээхпит, кыыс сүктүүтүн, күн көрсүүтүн сиэрин-туомун билиһиннэриэхтээхпит, саха култууратын быыстапкатын тэрийиэхтээхпит уонна сэргэбитин туруоруохтаахпыт. Бу тэрээһин кэмигэр Мексика саҥа президенэ сүрэхтэниэхтээх, манна биһиги Дойдубут президенэ В.В.Путин кэлиэхтээх, сатаннаҕына биһиги тэрээһиммитин көрүө-истиэ диэн эрэл кыыма баар. Биһиги сэргэбитин омуктар улахан суолталаах үс дойдуну ситимниир ытык мас курдук ылынан - дойдубутугар күүс-көмө буолуо диэн итэҕэллээхтэр.

    Билигин биһиги Канкун куоракка баарбыт, бүгүн "Тулум" диэн таҥаралара түспүт пирамидаларыгар экскурсияҕа сырыттыбыт уонна Карибскай муораҕа сөтүөлээн абыранныбыт. Биһигини бу үөдэн түгэҕэр диэн ааттыыр сирбитигэр Үөһээ Бүлүү Хоротуттан төрүттээх Анфиса диэн саха кыыһа көрүстэ, онтон экскурсияҕа Абыйтан төрүттээх Татьяна Корякина сирдээн илдьэ сырытта. Кини кэпсээнинэн өссө эбии икки саха кыыһа эмиэ бааллар диэн сөхтөрдө.

    Биһиги улахан бырааһынньыкпытыгар манна олохсуйбут сахалар бары кэлиэхтээхтэр. Биһигини кытта манна саха былааҕын ааптара Мэҥэ-Хаҥаластан төрүттээх, Уус-Алдан далбар хотуна Людмила Слепцова бииргэ сылдьара үрдүк үөрүү. Онон олус долгуйабыт. Баҕар айыбыын бу үлүгэрдээх киһи хантан үптэнэн барда диэтэххитинэ бары кэриэтэ бэйэ үбүнэн ороскуоттанан кэллибит. Махталбын биллэрэбин төрөппүттэргэ, салайааччыга Василийга, аттыбар: "Биһигини уонна манна туох ытыран илдьэ барыай", - диэн түргэн үлүгэрдик  хомунан, харчы булан кэлбит Кураһаайга, Ольга Захароваҕа, Августина Платоноваҕа, Антонина Кириллинаҕа. Култуура салалтата, "Эллэйада" түмсүү кыттыһан быыстапка турарыгар үбүнэн, ону таһынан оҕолор Москваҕа олорууларыгар о.д.а. кыра көмө барда. Кылгастык чэ, ити курдук... өссө сырдатыы барыа!

    култуура салайааччыта Мария Кобельянова

    Просмотров: 269 | Добавил: Бордон
    Добавлять комментарии могут только зарегистрированные пользователи.
    [ Регистрация | Вход ]