Үлэ ветерана

Александра ЫМЫЧАНОВА-II:

Хадаҥҥа 1941 с. балаҕан ыйын 2 күнүгэр күн сирин көрбүтүм. Биһиги ийэбит Ымычанова Мария Петровна-Бачыыҥкалаах Маарыйа барыта 13-тэ оҕоломмутуттан саамай бүтэһик, оһоҕос түгэҕэ оҕобун. Биһиги дьиэ кэргэҥҥэ эдьиийбин Александра, миигин Шура диэн ааттаабыттара, онон иккиэн Александра буолан хаалбыппыт. Сэрии кэмигэр 11-12 саастаах убайдарым бултаан-алтаан, ийэлэригэр күүс-көмө буолан улаханнык аччыктаабатахпыт. Хата куобах элбэх буолан уонна балык абыраабыта. Онон убайдарбыт баар буоланнар тыыннаах хаалбыппыт диибин.

1948 с. Хадан оскуолатыгар үөрэнэ киирбитим. Оскуолабын 1959 с. бүтэрбитим. Биир сыл өрөөн баран 1961 с. фермаҕа үүт тутааччынан үлэлээбитим. Онтон салгыы икки сыл, библиотекарынан үлэлээбитим. 1964 с. Дьокуускайдааҕы үп техникумугар үөрэнэн бухгалтер идэтин ылбытым. Үөрэхпин бүтэрэн 1967 с. “Бордоҥ” совхозка бухгалтерынан ананан пенсияҕа тахсыахпар диэри эҥкилэ суох, үтүө суобастаахтык үлэлээбитим.