Меню сайта
Категории раздела
Погода республики
Наш опрос
Статистика
Онлайн всего: 1
Гостей: 1
Пользователей: 0
Форма входа
Поиск
Внимание
Календарь
« Апрель 2024 » | ||||||
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |
Архив записей
- 2013 Январь
- 2013 Февраль
- 2013 Март
- 2013 Апрель
- 2013 Май
- 2013 Июнь
- 2013 Август
- 2013 Сентябрь
- 2013 Октябрь
- 2013 Ноябрь
- 2014 Январь
- 2014 Февраль
- 2014 Март
- 2014 Апрель
- 2014 Май
- 2014 Июнь
- 2014 Август
- 2014 Сентябрь
- 2014 Октябрь
- 2014 Ноябрь
- 2014 Декабрь
- 2015 Январь
- 2015 Февраль
- 2015 Март
- 2015 Апрель
- 2015 Май
- 2015 Июнь
- 2015 Сентябрь
- 2015 Октябрь
- 2015 Ноябрь
- 2015 Декабрь
- 2016 Январь
- 2016 Февраль
- 2016 Март
- 2016 Апрель
- 2016 Май
- 2016 Июнь
- 2016 Сентябрь
- 2016 Октябрь
- 2016 Ноябрь
- 2016 Декабрь
- 2017 Январь
- 2017 Февраль
- 2017 Март
- 2017 Апрель
- 2017 Май
- 2017 Сентябрь
- 2017 Октябрь
- 2017 Ноябрь
- 2017 Декабрь
- 2018 Январь
- 2018 Февраль
- 2018 Март
- 2018 Апрель
- 2018 Май
- 2018 Сентябрь
- 2018 Октябрь
- 2018 Ноябрь
- 2018 Декабрь
- 2019 Январь
- 2019 Февраль
- 2019 Март
- 2019 Апрель
- 2020 Март
- 2021 Апрель
- 2021 Октябрь
Друзья сайта
Сунтаар улууһун кырдьаҕастара паллиативнай
хайысхалаах
балыыһа баарыттан үөрэллэр
Киһи барахсан төһө кыанарынан, кыаҕа баарынан доруобуйатын көрдөрүнэргэ, хайа
да ыарыыны баалаппакка тута эмтэнэргэ дьулуһар. Оттон сааһыран, кырдьан бэйэтэ
кыаммат буолбут, аҕам саастаах дьоммут барахсаттар балыыһаҕа тиийэн
көрдөрүнэллэрэ, эмтэнэллэрэ уустук, ону да ахсааннаах. Сунтаар улууһун киин
балыыһатын иһинэн Бордоҥ нэһилиэгин учаастактааҕы балыыһата – паллиативнай
отделение диэҥҥэ уларыйан үлэлии олорор.
Ол эбэтэр, кырдьаҕас дьоҥҥо туһааннаах
эмтэниини биэрии, көрүү-истии оҥоһуллар. Бу отделение 17 үлэһиттээх, балыыһа
сэбиэдиссэйинэн Наталья Николаевна Егорова үлэлиир.
Манна Сунтаар улууһун
нэһилиэктэриттэн үксүн 70-нарын ааспыт кырдьаҕас дьон кэлэн эмтэнэр. Ол курдук
балыыһа 2019 сыллаахха паллиативнай диэҥҥэ уларыйыаҕыттан, уопсайа 133 киһи
эмтэммит, оттон 2020 сылга – 119 киһи. Сунтаар улууһун ураты хайысхалаах
балыыһатын үлэтин-хамнаһын туһунан сэбиэдиссэй Наталья Николаевна Егорова
маннык билиһиннэрэр:
– Биһиги, нэһилиэнньэбит ахсаана 1464 киһи, ол иһигэр
улахан дьоммут ахсаана 1104. Бордоҥ учаастактааҕы балыыһата аан маҥнай 1966
сыллаахха аһыллан үлэлиир, үс учаастагы (Илимниир, Бордоҥ, Тэҥкэ) көрөр. 2019
сылтан учаастактааҕы балыыһа паллиативнай отделениеҕа уларыйан, билигин 10
хонор уонна 3 күнүскү куойкалардаахпыт. Балыыһабыт уотунан ититиллэр, толору
хааччыллыылаах. Улуу Кыайыы 75 сылыгар анаан өрөмүөн үлэтэ ыытыллыбыта. Ол
курдук, балыыһабыт дьиэтин муостата ламинаттаммыта, палаталар ааннара
уларытылынна, истиэнэбит кырааскаланна, конвектордар саҥардыллыбыттара уонна
септик өрөмүөннэммитэ.
Отделениебытыгар номнуо 70 саастарын ааспыт уонна атын
киһи көмөтүгэр, харайыытыгар наадыйар дьон киирэн эмтэнэллэр. Ол курдук,
холобур онкологиялаах дьон, инсульт кэнниттэн, хааннарын эргиирэ, баттааһына
кэһиллибит, хааннарын баттааһына үрдүк, сүрэхтэрэ ыалдьар дьон киирэн эмтэнэллэр.
Бэйэбит өттүбүтүттэн доруобуйаларын тупсарыыга, сөптөөх көрүүнү-истиини төһө
кыалларынан биэрэ сатыыбыт.
Улуус олохтоохторо балыыһа барыта кииҥҥэ баарыгар
үөрэммит буолан, атын нэһилиэккэ маннык хайысхалаах балыыһа отделениета
үлэлиирин сэргии, сөҕө истэр киһи аҕыйаҕа суох.
Бу отделениеҕа соторутааҕыта
сытан, эмтэнэн тахсыбыт Сунтаар нэһилиэгин олохтооҕо Галина Георгиевна Егорова
санаатын билистибит: – Сунтаарбыт улууһугар биһиэхэ, кырдьаҕас дьоҥҥо туспа
анаммыт отделение баара абыраллаах. Ордук соҕотох олорор, чугас дьоно суох,
кыаммат кырдьаҕастар маннык балыыһаҕа киирэн, эмтэнэн тахсаллара туһалаах.
Биһиги манна, кэргэмминээн, иккиэн кырдьаҕас дьон 13 хонук устата сытан
кэллибит. Бырааспыт Наталья Николаевна маҥнай көрөн-истэн, кэтээн көрөн эмтэниибитин
анаабыта. Бу балыыһа үлэһиттэрэ дуоһунаһыттан тутулуга суох, түүннэри-күнүстэри
ыарыһаҕы олус үчүгэйдик көрөллөр-истэллэр. Туох кистэлэ кэлиэй, сорох кырдьаҕас
кыаммат-түгэммэт, сорох өйө-төйө буккуллан ылаахтыыр, түөһэйбит да баар буолара
ханна барыай. Дьэ, ону ол диэбэккэ балыыһа үлэһиттэрэ барахсаттар биирдэ да
кыыһыран, кынчарыйан көрбөккө, эйэҕэс бэйэлэрэ сытар кырдьаҕастары абырыыллар
эбит. Кинилэргэ уустук үлэлэригэр махтанан, ситиһиилэри баҕаран туран, бу
отделениеҕа эр дьон үлэһиттэр бааллара буоллар, кыргыттарга арыый да үлэ чэпчиэ
эбитэ буолуо диэн санаабытын тириэрдэбит. Кыаммат киһини өйөөн-убаан, көтөҕөн
сыҕарытарга элбэх күүс-уох наада буоллаҕа. Ити курдук арыый да ураты
хайысхалаах балыыһа үлэһиттэригэр махтанааччы элбэх. Бордоҥ учаастактааҕы
балыыһатыгар үгүс уопуттаах үлэһиттэр эмиэ бааллар. Олортон биирдэстэрэ 43 сыл
ыстаастаах медик Галина Алексеевна Лукина буолар. Кини 1986 сылтан старшай
медсиэстэрэнэн үлэлиир. Үтүмэн уопуттаах киһиттэн эдэр үлэһиттэр элбэххэ
үөрэнэллэр. Улууспут кырдьаҕастара паллиативнай салаа баар буолан үөрэллэр.
Кинилэр Бордоҥҥо тахсан, ыарыыларын эрэ уҕарыппаттар. Күннээҕи сонун-нуомас
үллэстэн, балыыһа үлэһиттэрин эйэҕэс, элэккэй сыһыаннарыттан сылаанньыйан,
күүстэригэр күүс эбиллэн, санаалыын сырдаан тахсаллар.
Юлия АЛЕКСЕЕВА