Мин Дмитриева Валентина Кирилловна бэс ыйын 1 күнүгэр 1937с илиҥҥи ленскэй оройуонугар Мухтуйа бөһүөлэгэр күн сирин көрбүтүм. аҕам Дмитриев Кирилл Васильевич, ийэм Дмитриева Марина Васильевна уонна бииргэ төрөөбүтүм Дмитриева Розалия Кирилловна. Дьонум эрдэ өлөннөр 7 саастаахпар тулаайах хаалбытым. Онон ыалбытыгар саҕыйан бириэмэ олоро сылдьыбытым. Ленскэйтэн 1956с киирэн Марба бөһүөлэгэр Сантаева Анастасияҕа киирэн олорбуппут. Онно фермаҕа ыанньыксыттарга илии – атах үлэҕэ сылдьыбытым.

1957с Григорьев Владимир Егорович диэн Улгумдатааҕы колхоз “Каганович” биригэдьиирдиир уолга кэргэн тахсыбытым. Быйыл Кыайыы 70 сылыгар кэргэннэнэн олорбуппут 58 сыла буолла. Түөрт оҕолоохпут бары улаатан туспа ыаллар, 12 сиэннээхпит, 8 хос сиэннээхпит.

Мин өр сылларга оҕо тэрилтэтигэр үлэлээбитим. Маҥнай оҕо дьааһылатыттан үлэбин саҕалаабытым. Пенсияҕа тахсыахпар дылы детсадка онтон интернакка үлэлээбитим. Бу үлэлээбит сыалларбар араас оҕолор иитиллэн улаатан республика араас муннугар салайар эйгэҕэ үлэлии сылдьаллар.

 ахтыыны суруйда сэрии сылларын оҕото

Бордон нэһилиэгин олохтооҕо

Дмитриева Валентина Кирилловна