Федор Еремеевич БОРОТОВ

(1902-1984)

Сэрии, тыыл бэтэрээнэ

Биһиги аҕабыт Боротов Федор Еремеевич 1902 сыл олунньу 1 күнүгэр Тэҥкэҕэ Бордоҥ нэһилиэгэр төрөөбүтэ. Икки саастааҕар тулаайах хаалан кинини күтүөтэ, эһэтэ иитэн улаатыннараллар. Булутуурга үөрэтэллэр бииргэ төрөөбүттэрэ убайа Осип диэн өлбүт, быраата Гуринов Афанасий Андреевич диэн, кини баай ыалга Гуринов Андрейга иитиллэр. Тулаайах буолан үөрэммэтэх, ийэтин аатын эрэ билэр Дайна диир этэ. Дьоҥҥо оҕус, ат сиэтэр иһин буукубаны үөрэттэрбит. Олох ааҕар, суруйар буолбут. 1943 сыллаахха сэриигэ ыҥырыллар. Аҕабыт стрелковой полкаҕа наводчигынан сылдьыбыт. Массыына авариатыгар түбэһэн госпитальга  сытан эмтэммит.

Салгыы Ильмень күөлү босхолооһуҥҥа Молотов дэриэбинэни босхолоспут. Японияны, арҕаа Германияны босхолоспут. Уоттаах сэрииттэн тыыннаах эргиллэн кэлэн дойдутугар 10 сыл кладовщигынан үлэлээбит. Элбэх медаллаах "Победу над Японией”, "За Победу Германией” и Великой Отечественной войне  1941-1945 с.

Элбэх грамоталаах, знактаах. Кэлин ийэбитин кытта ыал буолбуттар, ийэбит  Павлова Дария Степановна 1929 сыллаах төрүөх Өлүөхүмэттэн төрүттээх сэрии сылларыгар 12 саастаах эбит кыайан үөрэммэтэх,  4 кылаас үөрэхтээх дьонугар көмөлөспүт.

Кэлин ийэбит, аҕабыт Сунтаар совхоҕка сүөһү  үлэтигэр үлэлээбиттэр. Ыанньыксыктаабыттар, бараан көрбүт, ферма наставнигынан  үлэлээбитэ. Элбэх грамоталаах почет доскатыгар суруллубут уонна "ударник комунистического труда” бэлиэлээх.

1967-1975сс. Тойбохой интернат оскуолатыгар үлэлээбит. Кэлин кырдьан Сунтаарга көһөн киирбиттэрэ. Аҕабынаан 27 сыл дьоллоохтук, эйэлээхтик олорбуттара. Аҕабыт 1984 сыл тохсунньу 2 күнүгэр күн сириттэн букатыннаахтык барбыта 82 сааһыгар, кини дуоматтыырын олус сөбүлүүр этэ. Ийэбит эмиэ букатыннаахтык бу сиртэн барбыта, аҕабыттан биир эрэ хаалбыта.

Ийэбит бииргэ төрөөбүттэрэ түөртэр, ийэлэрэ Алексеева Лукерия Алексеевна аҕалара Павлов Степан Николаевич.

Улахан убайа Павлов Николай Степанович Туой хайа атыыһыттыы сылдьан, дьонноругар бурдук ыһыытыгар көмөлөһө сырыттаҕына сэриигэ ыҥырыллар, 1941 сыллаахха сураҕа сүтэр.

Иккис убайа Павлов Петр Степанович 1926 төрүөх Тойбохойго өр сылга атыыһытынан үлэлээбит. Онтон Якутскийга Холбоско эмиэ өр үлэлээбит, үлэ ветерана.

Быраата Павлов Василий Стеапнович 1934 төрүөх үрдүк үөрэхтээх. Тойбохой интернат оскуолатыгар физкультура учууталынан үлэлээбит. 1967 сыллаахха атырдьах ыйыгар хатыыс балыктан атараабы буолан эдэр сааһыгар күн сириттэн барар.

Биһиги бииргэ төрөөбүттэр иккибит. Мин Боротова Екатерина  Федоровна инбэлииппин оҕо эрдэхпиттэн. Эдьиийим Боротова Оксана Федоровна Бытовойга  диспетчерынан өр сыл үлэлээбитэ, пенсияҕа тахсан баран Эрэл маҕаһыыҥҥа уборщицалыыр. Мин биир кыыс оҕолоохпун Боротова Вероника Викторовна.

Кини эрэл маҕаһыыҥҥа атыыһыт, эдьиийим Оксана мин оҕобор көмөлөһөр, улаатыннарбыппыт. Кини биһиэхэ ийэ, аҕа, эбээ оруолун барытын толорор солбуллубат эбээбит, киниэхэ муҥура суох махталбыт улахан.

Кыыһым кэргэнэ Избеков Владислав Семенович кини массыына оҥорор. Кыыһым 6 оҕо амарах ийэтэ, улахан уол Гиссмаев Ашман Кассианович участник призер школьных улусных республиканских олимпиад   по технологии и биологии Победитель републиканских ППК  "Шаг будущее” Командир спортивный барс, олимпиадник года.

2016-2017 ежегодный школьный премии "Чыпчаал” дипломант републиканского конкурска Полярная звезда 3 место.

Дети Азии лауриат 1 степени кинини элбэх медаллар киэргэтэллэр уонна Звезда школы аатын ылбыта. 2019 оскуолатын ударнигынан бүтэрбитэ. Оскуола кыһыл кинигэтигэр көмүс буукубаннан суруллубута. Билигин 1 курс  МОУ ситиһиилээхтик үөрэнэ сылдьар. Иккис уол Михайлов Анжей Вячеславович ССШ №1 10 кылааска үөрэнэр үөрэх туйгуна. Кыра кыыс Михайлова Зарина Вячеславовна ССШ №1 2 кылаас үөрэнээччитэ.Үһүс уол Михайлов Федор Вячеславович Березка оҕо уһуйаанын иитиллээччитэ. Төрдүс уол Боротов Вова Владиславович березка оҕо уһуйаанын иитиллээччитэ.

Аҕабыт барахсан сырдык сулус буолан биһиги суолбутун сырдатар. Аҕабытынан киэн туттабыт кини ситэри олорботоҕун, ситэрбэтэҕин  6 хос сиэннэрэ ситэриэхтэрэ 4 хоһуун хотой хос сиэн уолаттар, икки кыталык хос сиэн кыргыттар киэргэтиэхтэрэ аатын ааттатыахтара хос эһээлэрин ханна да тиийдэллэр ханна да буоллаллар киэн туттуохтара. Хос эһэлэрин аатын үйэтитиэхтэрэ. Хаһан да сэрии буолбатын дьоллоох олох өрөгөйдүү  турдун!

Ахтыыны суруйдулар кини төрөппүт кыргыттара