Тыыл, үлэ ветерана

Ирина Афанасьевна СЕМЕНОВА

туһунан сиэнэ, 4-с кылаас үөрэнээччитэ

Семенов Альберт:

Биһиги эбэбит кулун тутар 7 күнүгэр Тэҥкэҕэ күн сирин көрбүтэ. Ийэтэ Семенова Фатина Гаврильевна детсадка үлэлээбит, аҕата Семенов Афанасий Гаврильевич Аҕа дойду улуу сэриитин кыттыылааҕа. Кини элбэх бааһырыыны ылан дойдутугар 1944 с. кэлбит. Онтон Улгумдаҕа атыыһытынан үлэлээбит. Дьиэ кэргэн уон оҕолоохторуттан билигин биэһэ баар.

Ирина Афанасьевна 1948 с. маҥнайгы кылааска үөрэнэ киирбит. Кини сэттэ кылаас үөрэхтээх. 1963 с. Ньурба Маарыгар Марха училищетыгар суоппар идэтигэр үөрэнэн кэлбит. 1965 с. эһэбиниин Анатолий Прокопьевич Ивановтыын ыал буолбуттар. Оччолорго массыына да аҕыйа5а, үөрэхтээх суоппар эмиэ. Мин истэрбинэн эбэм эдэр кыргыттартан соҕотох суоппар эбит. Киниэхэ ГАЗ-51 массыынаны туттарбыттар. Онтун оҥосто-оҥосто эбэбит Тэҥкэҕэ араас таһаҕаһы таһара. Көмөлөһөөччүтэ Андреев Тарас Семенович этэ. Аҕыйах ый үлэлээбитин кэннэ совхоз дириэктэрэ Семен Афанасьевич ГАЗ-69 массыынаҕа суоппарынан анаабыт. Ол саҕана Сунтаар уонна Ньурба бииргэ холбоһон Ленинскэй оройуон этилэр. Онон эбэм массыынатынан Ньурбаҕа тиийэ айанныыра.

Кэлин Сунтаар туспа оройуон буолбутугар араас мунньахтар, тэрээһиннэр буолаллара. Онно күҥҥэ үстэ Сунтаарга киирэн тахсарым диэн эбэм кэпсиирин сөҕө истэбин, тоҕо диэтэххэ билигин үчүгэй суолунан суоппардар Сунтаарга нэһиилэ биирдэ киирэн төннөллөр. Оттон урут кутуу суол диэн суох, сайын барыта уу-бадараан буолара. Суол куһаҕана улахан эрэйдэри үөскэтэрэ. Мунньахха салайааччылары Тэҥкэттэн, Хадантан, Илимнииртэн, Бордоҥтон киллэртиир этэ. Ити курдук үс сыл уруулга олорбута.

Кэлин Бордоҥ почтатыгар үлэлии көспүтэ. Сайын аайы совхозка оттууллара. Бэйэлэригэр Луаз эргэ массыынаны атыылаћан онон сылдьар этилэр.

Эбэм билигин эһэбиниин элбэх оҕолонон, сиэннэнэн дьоллоохтук бочуоттаах сынньалаҥнарыгар олороллор.