Тыыл, үлэ ветераннара

Иван Васильевич, Ульяна Васильевна АЛЕКСЕЕВТАР

тустарынан кыыстара Омукова Маргарита Ивановна:

Аҕам 1927 с. күһүнүгэр төрөөбүт. Аҕата эрдэ өлөн, ийэтэ Огдоочуйалыын иккиэйэх хаалбыттар. 1934 с. ийэтэ Алексеев Василий Никифоровичка кэргэн тахсар. Сэттэ сааһыгар аҕам атаҕын маска дэҥнээн , атаҕа сүүлэ иһэн хаалбытын, иитийэх аҕата отоһут эмээхсиҥҥэ илдьибит. Эмээхсин эмтээн үтүөрдэр, куһаҕан атаҕар маһынан атах оҥорон биэрбиттэр, син хаамар буолар. Ийэтэ эрдэ өлөн тулаайах хаалар. Марба оскуолатыгар үөрэнэн сэттэ кылааһы бутэрэрэн баран, салгыы ханна да барбакка Жданов колхозка үлэлии хаалар. Тулаайах уолу аһынан Сунтаарга ветеринарнай санитар үөрэҕэр ыытан үөрэттэрэллэр, онон кини бу идэтинэн 40-тан тахса сыл колхозка, совхозка үтүө суобастаахтык үлэлээбитэ. Кини үлэтин салҕаан, билигин улахан сиэнэ Томпо улууһугар кылаабынай ветеринарнай бырааһынан үлэлии сылдьарын ү!этэ уһаан баттаспыта буоллар, хайдахтаах үөрүө этэй?.

1941 с. сэрии саҕаланарыгар аҕам 16 саастаах уол, атаҕынан инбэлиит буолан ыҥырыллыбатаҕа, «немецтэр хотоору гыннахтарынан сэриигэ барыаҥ дииллэр эбит, онон резервэҕэ сылдьыбытым» диирэ. Винтовканан сыал ытарга үөрэтэллэрэ, байыаннай балаһыанньанан тыылга кытаанах үлэҕэ сылдьара.

Оттон ийэбит Ульяна Васильевна 1936 с. Ленскэй оройуонугар Маача нэһилиэгэр төрөөбүтэ. Ийэтэ Иванова Матрена кэргэнэ эрдэ өлөн тулаайах хаалан, сэрии саҕаламмыт сылыгар аччыктыыр кыһалҕаттан түөрт оҕотун батыһыннаран туос сатыы Мухтуйанан Сунтаарга кэлэр. Бордоҥ Өлөҥүгэр олохсуйар. Ийэм хараҕынан мөлтөх буолан оскуолаҕа үөрэммэтэх. Инньэ гынан кыра эрдэҕиттэн үлэҕэ миккиллэн улаатар. Өр сылларга колхозка, совхозка ыанньыксытынан, ньирэй көрөөччүнэн үлэлээбитэ. Онтон хараҕа олох мөлтөөн үлэтиттэн уурайан пенсияҕа тахсан олорбута.

Дьонум 1960 с. көрсүһэн ыал буолан, сэттэ оҕолонон билигин 16 сиэннээхтэр,8 хос сиэннээхтэр. Аҕам 1987 с. 60 сааһыгар, ийэм 2000 с. ыараханнык ыалдьан олохтон туораабыттара.