Тыыл, үлэ ветерана

Христина Петровна ЕВСЕЕВА туһунан

уола Евсеев Осип Павлович:

Ийэбит 1922 с. Коротовтар дьиэ кэргэттэригэр күн сирин көрбүтэ. Балтараалааҕар Ляшеевтар дьиэ кэргэттэрэ иитэ ылбыттара, оҕо сааһа Аллыҥаҕа ааспыта.

Христина Петровна сэрии ыар сылларыгар араас үлэҕэ сылдьыбыта: фермаҕа сүөһү уонна сибиинньэ көрбүтэ, быа хатара, ынах төрөтөрө. «1941-1945 сс. Аҕа дойду сэриитигэр килбиэннээх үлэ иһин» мэтээлинэн наҕараадаламмыта.

Сэрии кэнниттэн олоҕун аргыһын Евсеев Павел Васильевиһы көрсөн ыал буолбуттара. Биэс оҕону күн сирин көрдөрөн, улаатыннартаан, араас үлэһит гынан иитэн таһаарбыттара. Пенсияҕа тахсыар диэри Жданов» колхозка үлэлээбитэ. Пенсияҕа тахсан да баран ыалтан ыалга ыҥырыкка сылдьан оһох тутара, иистэнэрэ, быа хатара. Улуу кыайыы 30 сылын көрсө юбилейнай мэтээлинэн, «Ударник коммунистического труда» диэн значогунан, «Материнская слава III степени» диэн мэтээлинэн наҕараадаламмыта.

Кэлин Христина Петровна уолугар Куолаҕа сиэннэрин көрсөн, харайсан олорон, 1994 с. күн сириттэн барбыта.