КРАСКОВ Алексей Федорович

(____-1942)

Сэрии иннигэр кини Кыһыл Баһыыка колхозка суотчутунан үлэлээбитэ. Саастарын тухары хара тыа булдугар эрэ сааламмыт, үгүстэрэ кыра үөрэхтээх, сорохторо олох кыпчырҕана, аһыыр-таҥнар кыһалҕата кыһарыйан оскуола аанын өҥөйбөтөх, үөрэх сырдыгыттан маппыт, үрэх баһыгар үөскээбит, үлэлээн дьүккүйэртэн атыны билбэт саха отчут-масчыт дьонунуун аан дойду олоҕун отуорун атыйахтыы аймаабыт алдьархайдаах сэриигэ 1941 с. балаҕан ыйын 1 күнүгэр бастакы ыҥырыкка барбыта.

Чита уобалаһыгар Оловянная диэн станцияҕа биир сыл байыаннай үөрэххэ үөрэнэн баран, 1942 с. олунньу 13 күнүгэр арҕаа фроҥҥа барбыта. Ити саҕана саҥа тиийээччилэри Смоленскай туһаайыытыгар ыыталлара. Алексей Федорович хас да төгүл төхтүрүйэн Аҕа дайду сэриитин историятыгар биир саамай кыырыктааҕынан биллэр, сир-халлаан сиҥнэстэр кыргыһыыларга хорсуннук сэриилэспитэ уонна 1942 с. олунньу 21 күнүгэр кыргыһыы хонуутугар сырдык тыына быстыбыта.