Тыыл, үлэ ветерана

Ксенья СеменовнаПАВЛОВА туһунан

Уола Павлов Владимир Петрович:

Биһиги ийэбит 1928 с. Сунтаар улууһун Үөһээ- Мэйик нэһилиэгэр, колхозтаах кэргэнигэр төрөөбүтэ. Сэрии сылларыгар ол саҕанааҕы оҕолор курдук үлэни эрдэттэн билбитэ. Икки убайа сэриигэ бараннар сураҕа суох сүппүттэрэ. Сэрии кэнниттэн 7 кылаастаах оскуоланы бүтэрэн баран Дьокуускайга медицинскэй училищеҕа үөрэнэ сылдьан ыалдьан ситэрбэккэ кэлэр. Ол кэннэ эмиэ колхозка, совхозка ыанньыксытынан, атын да араас үлэҕэ үлэлээбитэ.

1970 с. дьоммут Бордоҥҥо көһөн кэлэн олохсуйаллар. Манна кэлэн бастаан совхоз гараһыгар кочегардаабыта, онтон өр сыл детсадка, интернакка поварынан пенсияҕа тахсыар диэри үлэлээбитэ. Өр сыллаах түбүктээх үлэтин иһин Кыайыы 50 сылынан үбүлүөйдээх мэтээллээх, элбэх бочуотунай грамоталарынан наҕараадаламмыта. Аҕабыт сэрии кыттыылааҕа, инбэлиитэ Петр Дмитрьевичтыын элбэх оҕону иитэн, үөрэттэрэн олох суолун буларбытыгар көмө, тирэх буолбуттара.