06:03 Маппаров Иннокентий Спиридонович |
МАППАРОВ Иннокентий Спиридонович(1909-1982)«Память», 4 том, с. 165 Наҕараадалара: “Германияны кыайыы иһин”, кыайыы үбүлүөйдээх мэтээллэрэ. 1909 с. 2-с Бордоҥҥо сэтинньи 3 күнүгэр дьадаҥы кэргэҥҥэ төрөөбүтэ. Үстээҕэр аҕата өлөн үөрэммэккэ хаалбыта, кэнники 1930 с. ликбезкэ 2 кылааһы бүтэрбитэ. 1931 с. Строд аатынан табаарыстыба тэриллибитэ, онно чилиэнинэн киирэр. 1932-33 сс. тыа хаһаайыстыбатын артыала Жданов колхоз буолбутугар биригэдьииринэн 1940 с. диэри үлэлээбитэ. Сэрии кэмигэр 1942 с. бэс ыйыгар Бордоҥ отделениетыгар атыыһыттаабыта, салгыы Хадан сельпотугар солбуйааччы председатель оҥороллор. Норуот хаһаайыстыбатын эппиэттээх үлэтигэр сылдьарынан фронтан бронянан босхолоон, 1943 с. сайын Толстой колхозка председателинэн ыыппыттара. Биир сыл үлэлээбитин кэннэ бронятын устан 1944 с. сайын армияҕа ылаллар. Дальневосточнай фронт 67-с стрелковай полкатыгар сулууспалаабыта, үөрэххэ, үлэҕэ сылдьыбыта. Сэрииттэн кэлэн баран,1945 с. ахсынньыга Хадан сельпотун маҕаһыыныгар, онтон 1951 с. алтынньыттан 1955 с. диэри Илимниир отделениетыгар атыыһыттаабыта, салгыы 1966 с. диэри Илимниирдээҕи оҕо балыыһатыгар завхоһунан үлэлээбитэ. Доруобуйатын туругунан 2-с группалаах инбэлиит. (Бэйэтин ахтыытыгар олоҕуран сурулунна) |
|