Үлэ, тыыл бэтэрээнэ Мария Алексеевна МИХАЙЛОВА

Биһиги ийэбит Михайлова Мария Алексеевна 1933 с. Төрөөбүтэ. Бииргэ төрөөбүттэр үһүөлэр. Убайа Степан (1930 с. т.), быраата  (1936 с. т.), аҕата Алексей Егорович Михайлов, ийэтэ Мария Васильевна Спирова. Михайловтар “Кыһыл баһыыкка” холкуоска чилиэнинэн киирбиттэр. 1939 с. ийэлээх аҕата арахсан, ийэбит убайын кытта аҕаларыгар хаалаллар.

Сэрии саҕаланар 1941 сылыгар оскуолаҕа саҥа киирэр.  Мария Алексеевна өр сыл холкуоска, сопхуоска ыанньыксытынан үлэлиир. 1952 с. Иванов Африкан Федоровичтыын ыал буолар. Утуу субуу сэттэ оҕону төрөтөн улаатыннараллар.

Билигин 4 оҕо ыал буолан үлэлии-хамсыы сылдьабыт. Улахан уола Владимир Африканович Саха Републикатыгар биллэр Үлэ Геройа, үйэтин тухары ыанньыксытынан үлэлээтэ. Кыргыттара Нина, Света, Капа бары эбээ буолан сиэннэрин көрө, үлэлии сылдьаллар.

Биһиги ийэбит культууралаах, сиэрдээх-майгылаах, дьоҥҥо сэргэҕэ аламаҕай сыһыаннаах этэ. Бэйэтэ олус үчүгэйдик ыллыыра, үөрүүгэ-көтүүгэ дьону түмэрэ, кэрэни, үйэлээҕи өйдөөн көрөр дьикти сэргэх киһи этэ.

ОҔОЛОРО