София Федотовна НИКОЛАЕВА

(1920-1999 сс.)
 Тыыл, үлэ бэтэрээнэ

Биһиги ийэбит Суоппуйа 1920 сыллаахха Тэҥкэҕэ төрөөбүт. Тээтэбинээн 7 оҕолоохтор, 30-ча сиэннээхтэр,  30-н тахса хос сиэннээхтэр.

Оҕо сылдьан саҥарар үөрүйэхпинэн  "маама” диэн истиҥник ааттыырбынан суруйуом. Маамабыт София Федотовна үйэтин тухары фермаҕа үлэлээбитэ. Ньирэй көрүүтүгэр үрдүк көрдөрүүнү ылан Москваҕа ВДНХ-ҕа күүлэйдээн кэлбитэ. Кыра эрдэхпититтэн сарсыарда эрдэ туран кумаар ортотунан хонууга луук хомуйа илдьэттии киирэрэ.Ол саҕана маама тыла биһиэнэ                 ону утары эппэккин тугу диирин барытын толороҕун. Аны санаатахха итии түһүөн иннинэ лууктата киллэрэр эбит. Сир астааһыныгар эмиэ нуорма, бу иһити толорохтааххын диэн буолар этэ. Маамабыт Үлэ- тыыл ветерана. Киниттэн элбэххэ үөрэнэн, үлэттэн толлон турбаппыт. Кини үтүө майгыта, таптала биһигинниин өрүү бииргэ.

Ханна эмит бардаҕына маамабытын олус ахтарбыт күүтэрбит. Куруук барар сиригэр, сылдьар ыалларыгар кэһии тутуурдаах барааччы. Кэлэригэр хас биирдиибитигэр тус- туһунан кэһии аҕалааччы. Ыал, үөрэхтээх, үлэлээх,үчүгэй олохтоох буоларбытыгар олус кыһаллан тэрийэрэ.

Кыра кыыһа Индеева Зинаида Николаевна.