Меню сайта
Погода
Погода республики
Наш опрос
Статистика
Онлайн всего: 14
Гостей: 14
Пользователей: 0
Форма входа
Поиск
Внимание
Архив записей
Друзья сайта
Главная » 2020 Май 17 » Панкратий Ильич УАРОВ
04:04 Панкратий Ильич УАРОВ |
 Панкратий Ильич УАРОВ -үлэ бэтэрээнэ Панкратий Ильич Бордоҥ нэһилиэгэр Марба бөһүөлэгэр 1947
сыл от ыйын 25 күнүгэр төрөөбүтэ. Элбэх оҕолоох Уаровтар дьиэ кэргэннэригэр
бастакы оҕонон күн сирин көрбүтэ. Аҕата Илья Николаевич өр сылларга лесхозка, ийэтэ
Мария Афанасьевна оскуолаҕа техүлэһитинэн үлэлээбиттэрэ. Панкратий кыра сылдьан
менингиттээн Илимнииргэ оҕо
санаторийыгар сытан эмтэнэ сылдьыбыта. Доруобуйатын туругунан Бордоҥ
аҕыс кылаастаах оскуолатын ситэри бүтэрбэтэҕэ, салгыы киэһээҥи оскуолаҕа үөрэммитэ. Жданов аатынан холкуоска
чилиэнинэн киирбитэ уонна араас үлэлэргэ үлэлээбитэ. 1967 сылтан саҥа
тэриллибит Сунтаар сопхуос оробуочайа буолбута. Сүөһүттэн ылыллар
бородууксуйаны үрдэтиигэ ынаҕы искусственнайдык
буоһатыы сүрүн оруолу ыларын учуоттаан, сопхуос саламтата эдэр, кыһаллыгас,
эппиэтинэстээх үлэһити Панкратийы осеменатор үөрэҕэр ыыппыта. Анал кууруһу
бүтэрэн сопхуоска техник-осеменаторынан өр сылларга таһаарыылаахтык үлэлээбитэ.
Сопхуоска ынаҕы искуственнайдык сиэмэлээһини бастаан киллэрсибит дьоннортон
биирдэстэрэ буолбута. Кыһыннары-сайыннары фермаҕа сылдьан дояркалары кытта
тэҥҥэ ынахтар туруктарын кэтээн көрөн сиэмэлээһини ыытара. Ол түмүгэр үлэтэ
таһаарыылаах буолара. Сайынын сайылыкка үрдүгэр хоно сытан үлэлиирэ. Үлэтигэр
уһулуччу эппиэтинэстээх, бэриллибит сорудаҕы чуолкайдык толорор буолан
убаастабылынан туһанара. Таһаарыылаах үлэтин иһин Сунтаардааҕы партия
оройкуомун, оройуон ситэриилээх кэмитиэтин Бочуотунай кырааматаларынан 1978, 1979,
1986, 1987 сс, отделение, сопхуос кырааматаларынан 1979, 1980, 1981 сылларга наҕараадаламмыта. 1980 сыллаахха ”Социалистическай
куоталаһыы кыайыылааҕа” диэн ССКП КК уонна СССР Министрдэрин Сэбиэтэ олохтообут
анал знагынан, 1981 с.үлэтигэр үрдүк көрдөрүүлэрин иһин "Мастер золотые руки”
диэн дипломунан наҕараадаламмыта, 1986с. сопхуос үрдүнэн ыытыллыбыт "Лучший по
профессии” диэн куоталаһыыга бастаан, сопхуос чөмпүйүөн үлэһитэ буолбута.
Панкратий Ильич Бордоҥ сопхуос ыһыллыар
диэри үтүө суобастаахтык, бэриниилээхтик үлэлээбитэ. Ийэтин кытта Сунтаарга көһөн киирэн Чебурашка
детсадка охраннигынан, хачыгаарынан үлэлээбитэ.
|
|
|