Меню сайта
Погода
Погода республики
Наш опрос
Статистика
Онлайн всего: 1
Гостей: 1
Пользователей: 0
Форма входа
Поиск
Внимание
Архив записей
Друзья сайта
Главная » 2020 » Март » 13 » Павлова Ксения Петровна
06:09 Павлова Ксения Петровна |
 Павлова Ксения Петровна тыыл бэтэрээнэ, сэрии сылларын оҕото, Сунтаар улууһун Бордоҥ нэһилиэгин бочуоттаах олохтооҕо Ксения Петровна 1934 сыллаахха Бордоҥ нэһилиэгэр төрөөбүтэ. Оҕо сааһа сэрии ыарахан сылларыгар түбэспитэ. Сут-кураан содулларыттан, ас-таҥас тиийбэтиттэн дьон ыарахан олохтоммуттара. Дойду сэрии иэдээнигэр олорорун өйдөөн, ас-таҥас кырыымчык диэбэккэ, аччык аҥардаах сылдьан колхуос бүппэт үлэтигэр, эбэһээтэлинэй нолуоктары төлөөһүҥҥэ бары биир курдук, оҕолуун-кырдаҕастыын үлэлээбиттэрэ, Кыайыыны уһансыбыттара. Ксения, кыра да саастаах буоллар, кыайбатаҕын кыайа сатаан, оччотооҕу сэрии ыарахан сылларын оҕотун сиэринэн колхуос ыытар үлэтигэр бэйэтин сэмэй кылаатын киллэрбитэ, кыттыспыта. Ол курдук оҕус сиэтиитэ, түүтэҕи быһыы, дайааркаларга көмөлөһүү, от түгэҕин харбааһын – сэрии сылларын оҕолоро бары билбит үлэлэрэ. Сэрии кэнниттэн колхуоска сүөһү иитиитигэр тахсыылаахтык үлэлээбитэ. Колхуостар кыаҕыран бөдөҥсүйбүттэрэ, үүт табаарынай фермалара тэриллибиттэрэ. Ксения Петровна Улгумда Бэрэтигэр арыыһыттаабыта. Оччолорго барыта илиинэн этэ. "Биир ыамҥа биир биэдэрэ сүөгэйи илиинэн эрийэрим”,- диэн кэлин сөҕөн кэпсиир. Кыра оҕолордоох да буоллар, оҕолонорун быыһыгар, олорон хаалбакка быыһыгар-ардыгар син-биир үлэттэн илиитин араарбакка үлэлээбитэ. Сайынын күөх үүнээйигэ, онтон кэргэнин кытта Степан Ивановичтыын Нээлбиктэҕэ бороон көрбүттэрэ. 1965 c. Сардаҥаҕа көһөн кэлэн дьааһылаҕа поварынан үлэлээбитэ. Онтон Бордоҥ совхоз буолан саҥа столовай дьиэтэ үлэҕэ киирбитэ. 1968 сылтан Ксения Петровна совхоз столовайыгар повар көмөлөһөөччүтүнэн үлэлээбитэ. Сынньалаҥҥа да тахсан баран Оҕо үлэ-сынньалаҥ лааҕырдарыгар минньигэс аһынан оҕолору аһатан кинилэр махталларын, Бордоҥ орто оскуолатын салалтатын махталын ылбыта. Ол курдук "Кочан”, "Анабы” лааҕырдарага 1983 сылтана 1985 сылага диэри сайын аайы повардаабыта. Ксения Петровна олоҕун доҕорун, Павлов Степан Ивановиһы кытта 1958 сыллаахха ыал буолбуттара. Степан сэрии сылларыгар 16-17 cаастаах уол, кини саастыылара да уолаттар, колхуоска сэриигэ барбыт эр дьон оннугар төһүү үлэһит күүһүнэн хаалбыттара. Ол курдук байыаннай кэм ирдэбилинэн колхуос бэдэрээттээх үлэтигэр ханна аныылларынан үлэ буолара: саас-кыһын - балыкка, маска, от тиэйиитигэр, булка, хонуу үлэтигэр, сайынын – окко. Марбаҕа сэттэ кылаастаах оскуола 1940-1941 сс. үөрэх дьылыгар аһыллыбытыгар Тэҥкэ начаалынай оскуолатын бүтэрбит 14 саастаах уол Марбаҕа оскуолатыгар үөрэҕин салҕаабыта. Сэрии ыарахан сылларыгар ас-таҥас тутах диэбэккэ, аччык аҥардаах сылдьан, хас да көстөөх сиртэн, Саҥа күөлтэн, сатыы хааман үөрэммитэ. Сэрии кэнниттэн колхуостар кыаҕыран бөдөҥсүйүүлэригэр сатабылын, күүһүн-уоҕун көрдөрбүтэ. "Каганович” колхуос биир киэн туттар, үлэһит үтүөтэ, хомсомуол актыыбынай чилиэнэ буола үүнэн тахсыбыта. Ити сылларга сүөһү иитиитэ колхуоска мөлтөх туруктааҕа, хаалыылааҕа. 1960 с. "Каганович” уонна "Молотов колхуостар "Жданов” колхуоска холбоспуттара. Колхоз 1500 ынах сүөһүлээх, 900 сылгы сүөһүлээх буола түспүтэ. Ксения Петровна, Степан Иванович тыыл, үлэ уонна колхознай-совхознай тутуу ветераннара, сэрии сылларын оҕолоро, Аҕа дойду Улуу сэриитин кэмигэр дойдуларыгар тыылга Улуу Кыайыыны уһансыбыт, сэрии кэнниттэн колхуостары чөлүгэр түһэриигэ, кыаҕыран бөдөҥсүйүүлэригэр элбэх сыраларын, бэйэлэрин сэмэй кылааттарын киллэрсибит дьон буолаллар |
|
|