САВВИНОВ Иван Афанасьевич

(1897-1942)

1897 с. Тэҥкэ бөһүөлэгэр өрүс уҥуор Оторууска төрөөбүт, биэс бииргэ төрөөбүттэр: Василий, Данил,Семен, Аана уонна Иван. Дьоно сүөһү иитэн, бурдук ыһан, бултаан син оччотооҕу дьон сиэринэн олорбуттар. Саввиновтар оҕолоро ситэн-хотон, бары туруу үлэһит дьон буолан, кэргэннэнэн, оҕолонон-урууланан олохтоохтук оҥостон олорон эрдэхтэринэ сэрии саҕаламмыт. Иван Афанасьевич Тэҥкэ кыыһын Марфа Васильеваны кэргэн ылан, икки оҕоломмуттар. 1942 с. сэриигэ ыҥырыллан барарыгар үс саастаах уолун, кэргэнин Тэҥкэҕэ көһөртөөбүт. Бэйэтэ сатыы Бордоҥҥо тиийэн, салгыы баржанан Ньурба военкоматыгар тиийбиттэр. Сэриигэ быраата Семенныын бииргэ баран, 808-с нүөмэрдээх строевой полкаҕа анаммыттар. Алта ый сэриилэһэргэ үөрэммиттэр. 1942 с. ахсынньы 7 күнүгэр Тверскай уобаласка Векшино дэриэбинэҕэ улахан кыргыһыы буолбут, онно быраата Семен сыҥааҕар снаряд оскуолага түһэн бааһырбыт. Убайа Иван бааһырбыт быраатын сүгэн госпитальга аҕалан биэрэн баран хаттаан кыргыһыы толоонугар киирбит уонна сурахтыын сүппүт. Кини көмүс уҥуоҕа Зубцово куоракка «Московская гора» уопсай мемориалга хараллан сытар.

Быраата Семен 1943 с. диэри госпитальга эмтэнэн баран, доруобуйата аһааҕыран дойдутугар эргиллибитэ. Сэрииттэн кэлэн баран кэргэннэнэн уол оҕолонор. Уола Саввинов Николай Семенович Горнай улууһугар Бэрдьигэстээх нэһилиэгэр олорор. Семен Саввинов бэйэтэ 1952 с. ыалдьан өлбүтэ.