Үлэ ветерана

Семен Ефремович ДАНИЛОВ

туһунан Иванов Николай Егорович:

1937 с. Бордоҥ нэһилиэгэр Марфа уонна Ефрем Даниловтар дьиэ кэргэннэригэр төрөөбүтэ. Эдьиийэ Мотялыын бииргэ төрөөбүттэр иккиэлэр. Ийэлэрэ Сэмэн кыратыгар өлбүтэ. Оччотооҕу оҕо сэринэн дьонугар көмөлөһөн кыратыгар от үлэтигэр көлө сиэтиититтэн саҕалаан бугул түгэҕин харбаан, от мунньан, бугуллаан, бурдук баайан үлэлээбитэ. Бордоҥ оскуолатыгар 7 кылааһы бүтэрэн баран суоппар кууруһугар үөрэммитэ. Ыраах, эппиэттээх айаҥҥа сылдьар үчүгэй суоппар этэ. Дьокуускайтан бурдугу уонна араас техниканы аҕалар этилэр. Кэнники тутуу маастарыгар үөрэнэн колхозка тутууну салайан үлэлэппитэ. Күһүҥҥү өттүгэр комбайҥҥа үлэлиир этэ. Эдэрчи сааһыгар улаханнык ыалдьан, элбэх оҕону тулаайахсытан эрдэ олохтон туораабыта. Билигин оҕолоро бары улаатан, үөрэхтээх, араас идэлээх дьон, ыал-күүс буолан Дьокуускайга олороллор, үлэлииллэр.