Тыыл, үлэ ветерана

Василий Федотович ТИХОНОВ.

Түөрт оҕолооох Федот Максимович, Анастасия Лазаревна Тихоновтар улахан уоллара Василий Федотович 1932 с. Өлүөхүмэҕэ төрөөбүтэ. Нөҥүө сылыгар кинилэр Сунтаар оройуонугар көһөн кэлбиттэрэ. Сэрии сылларыгар Кэппэндээйигэ колхозтартан тууһу хостооһуҥҥа дьону үлэҕэ ыыппыттарыгар кинилэр дьиэ кэргэнинэн көһөн тиийэн үлэлээбиттэрэ. Василий оччолорго -уонун эрэ ааспыт уол дьонун кытта туус хостооһунун ыарахан үлэтигэр тэҥҥэ сылдьыбыта. Үчүгэй үлэтин иһин «1941-45 сс. сэрии кэмигэр килбиэннээх үлэ иһин” Сталин төбөлөөх мэтээли Бордоҥ оҕолоруттан бастакынан ылбыта, кинини “мэтээллээх уол» диэн ааттыыллара.

1950 с. Петрова Акулиналыын холбоһон ыал буолбуттара. 1953 с. Дьокуускайга суоппар үөрэҕин бүтэрэн баран, грузовой массыынаҕа таһаҕас таһыытыгар үлэлээбитэ. 1960-1970 сс. Тэҥкэҕэ уу баһар массыынаҕа тохтоло суох үлэлээбитэ. Ити сыл эмискэ ыалдьан күн сириттэн туораабыта.

Оҕолоро бары үөрэхтээх, араас идэлээх, ыал-күүс дьон. Билигин сиэннэр, хос сиэннэр улааталлар.