Үлэ ветерана

Владимир Егорович ГРИГОРЬЕВ,

2015 с. муус устар 10 күнэ:

Сэрии кэмигэр 5-6 саастаах тулаайах уол ыал устун сылдьыбытым. Кэлин Иванова Матрена Афанасаьевна диэн ырааҕынан уруум эмээхсиҥҥэ олорбутум. Бастаан ыалга, онтон кэлин оскуолаҕа, детдомҥа олорон үс сыл үөрэммитим. Онтон детдом директора Николаев Игнатий Яковлевич аҕаҥ баар, онон детдомтан тахсаҕын диэн үүрбүтэ. 14 сааспыттан Каганович колхозка биригэдьиир Филиппов Алексей Даниловичка илии-атах буолан үлэбин саҕалаабытым. Онтон икки уордьаннаах Никифоров Егор Евсеевич диэн киһиэхэ көмө биригэдьиир, колхозтаахтар дохуоттарын түҥэтэр завхоз буола сылдьыбытым. Кэлин колхозка, онтон совхозка араас хаһаайыстыбаннай үлэлэргэ, ол иһигэр нефтебазаҕа, автопааркаҕа диспетчерынан уопсайа 35 сыл үлэлээбитим. Кэлин лесхозка 20 сыл үлэлээн туйгун үлэһит диэн оройуон бочуотун кинигэтигэр үйэ саас тухары киллэриллибитим. Коммунистическай үлэ ударнигабын, «Туйгун сулууспа иһин” знагынан, кыайыы үбүлүөйдээх мэтээллэринэн наҕараадаламмытым.

Кэргэним Валентина Кирилловналыын түөрт оҕолоохпут, элбэх сиэннээхпит, үйэбит уһаан хос сиэннэри көрөр дьоллоннубут.