2020 сыл Сунтаарга үйэтитии уонна сүгүрүйүү сылынан биллэрилиннэ, онон сибээстээн биһиги киэн туттар биир дойдулаахтарбытын бу сааһылаан суруйдубут. Билэр дьоҥҥутугар, оҕолоргутугар, сиэннэргитигэр кэпсээҥ, көрдөрүҥ бүгүҥҥү эйэлээх олохпут туһугар сэриилэспит уонна тыыннарын толук биэрбит буойуннары.

Хас биирдии саллаат анныгар бэйэҕит ахтыыгытын суруйуоххутун сөп. Сорох суруйуу хаартыската суох, эбэтэр хаартысканы уларытыаххытын баҕардаххытына бу почтаҕа fvalery2014@mail.ru ыытыҥ.

Егорова Наталья Михайловнаҕа, Спиридонова Мария Васильевнаҕа, Петрова Надежда Афанасьевнаҕа материаллары буларга көмөлөспүттэрин иһин барха махталбытын тиэрдэбит.

Бэйэҕит этиилэргитин, баҕа санааларгытын манна суруйуҥ

Константинов Виталий Валентинович

Г. Якутск.

Учуутал таайым Валерий Дмитриевич сүрдээх улахан үлэни оҥорон саҕалаан, ситэрэн эрэр эбит. Хас биирдии Улуу Кыайыыны уһансыбыт Бордоҥтон ыҥырыллан барбыт буойуннар тустарынан информация хомуйан, сааһылаан, бэчээттээн киллэрбитэ киһини сөхтөрөр, үөрдэр. Бу үлэ баар дьон бары ытыктыы, өйдүү-саныы сылдьарбытыгар диэн, кэлэр көлүөнэ умнубакка билэ сырыттын диэн ис хоһоонноох, бэйэтэ электроннай энциклопедия буолар.

Бу манна киирбиттэр эбит:

64 сэрииттэн эргиллэн кэлбит, 87 кыргыһыыга охтубут, 24 сураҕа суох сүппүт Улуу Буойуннар - биир дойдулаахтарбыт. Саллааттар тус хаартыскалара хаһан ыҥырыллыбыта киирбиттэр. Биллэн турар, төһө кыалларынан, билиҥҥи туругунан төһөтө биллэринэн киирбиттэр. Сураҕа суох сүппүттэр тустарынан, бүтүн Дойду да үрдүнэн буоларын курдук, информация аҕыйах...

Бу хомуурунньукка, эбэм Акулина Иннокентьевна күннүгэ киирбитэ кэрэхсэбиллээх. Сэрии сылларыгар, Тыылга хайдах курдук ыарахан кэмҥэ үлэлээн-хамсаан Кыайыы туһугар диэн үлэлээбиттэрин туһунан, ыар сүтүктэр күн аайы кэриэтэ тахсыталыы турбуттарын ахтыбыта биһиэхэ - кэлиҥҥи көлүөнэҕэ курус өйдөбүнньүк буолар.

Төрдүлэрбитин - Сэрии уонна Тыыл Бэтэрээннэрин умнубакка сүгүрүйэ-саныы сылдьарбыт биһиги Ытык иэспит буолар.