"Аҕа уонна уол" күрэх

Бүгүн кыһыны атаарыы бырааһынньыгар сөп түбэһиннэрэн, Бордоҥ орто оскуолатын иһинэн аҕа түмсүүтүн, олохтоох дьаһалта уонна «Арассыыйа ийэлэрэ» хамсааһынын көҕүлээһиннэринэн "Аҕа уонна уол" күрэх бэрт сэргэхтик, тэрээhиннээхтик ыытылынна. Халлааммыт тымныытын да ахсарбакка аҕаларбыт,  уолаттарбыт бэрт үчүгэйдик илин-кэлин түһүстүлэр.

Барыта 3 кылаастан 5 хамаанда кыттыыны ылла, ол курдук 6 кылаастан Саша, Вячеслав Ноевтар, Семен, Алексей Федоровтар, 8 кылаастан Роберт, Филипп Удиннар, 8 кылаастан уол оҕо Вадим Тихонов уонна аҕа төрөппүт Аркадий Докторов, 9 кылаастан Жора, Иван Герасимовтар.
Күрэх 8 түһүмэҕинэн ыытылынна. Мэһэйдээх сүүрүү, ыраах быраҕыы, бэрэмэдэйдээх сүүрүү, оскуома саайыы, соһуччу сорудах (5 мүн. чыычаах уйатын тутуу), бэргэн ытааччы (дартс быраҕыы), булугас өй, канат тардыһыы.
Дьэ бу түһүмэхтэргэ аҕаларбыт, уолаттарбыт даҕаны толлон, иҥнэн турбакка кыахтара, күүстэрэ тиийэринэн бэйэлэрин холонон, тургутан көрдүлэр. Киһи үөрүөх, соһуйуох 65-тээх, 30-таах аҕаларбыт, 12-лээх, 16-лаах да уолаттарбыт улаханнык хаалсыбакка тэбис тэҥҥэ  күрэхтэстилэр
Күрэх сүрүн судьуйатынан аҕа түмсүүтүн салайааччыта, МПЧ начальнига Н.Н.Еремеев, орто оскуола завхоһа С.А. Игнатьев улэлээтилэр, күрэҕи иилээн-саҕалаан физкультура учуутала С.Н. Кычкин, саҥаран-иҥэрэн директоры иитэр үлэҕэ солбуйааччы Л.Г. Петрова ыыттылар.
*Түмүккэ:*
*1 миэстэ* Филипп Константинович, Роберт Удиннар;
*2 миэстэ* Иван Петрович, Георгий Герасимовтар;
*3 миэстэ* 8 кылаастар сборнай хамаандалара өрүү көхтөөх аҕа Аркадий Дмитриевич  Докторов уонна Вадим Тихонов;
*4 миэстэ* Алексей Владимирович, Семен Федоровтар;
*5 миэстэ* Вячеслав Александрович, Саша Ноевтар. Аҕа барахсан боччумнаахтык туттан-хаптан, суhаллык толкуйдуу охсон, айан-тутан, булан-талан, киирэн-тахсан, кэпсэтэн-ипсэтэн, сүүрэн-көтөн, дурда-хахха, көмүскэл буолан уол оҕоҕо холобур буолара саарбахтаммат. Аҕа өрүү инники күөҥҥэ, уол оҕо үөһэ чыпчаалга буолан туругура туруҥ!✊✊✊
Мэлдьи да буоларын курдук нэһилиэкпит тэрилтэлэрэ  күрэх спонсордарынан буоллулар.
Түгэнинэн туһанан олохтоох дьаһалта коллективыгар  нэһилиэк баһылыга Г.О. Черепановка, «Матери России» хамсааһын түмсүүтүгэр салайааччы Г.А.Лукинаҕа, орто оскуола директорыгар М.А.Максимовка, балыыhа коллективыгар Н.Н.Егороваҕа, МПЧ коллективыгар начальник Н.Н. Еремеевка, «Айыллаан» култуура киинин коллективыгар директор В.С. Спиридоновка уонна күрэххэ үөрэнээччилэригэр, төрөппүттэригэр ыалдьан тэбис-тэҥҥэ сүүрбүт-көппүт кылаас салайааччыларыгар *БАРҔА МАХТАЛ* буоллун тэрийээччилэр ааттарыттан✊✊✊