Меню сайта
Категории раздела
Погода
Погода республики
Наш опрос
Статистика
Онлайн всего: 1
Гостей: 1
Пользователей: 0
Форма входа
Поиск
Внимание
Архив записей
- 2013 Январь
- 2013 Февраль
- 2013 Март
- 2013 Апрель
- 2013 Май
- 2013 Июнь
- 2013 Август
- 2013 Сентябрь
- 2013 Октябрь
- 2013 Ноябрь
- 2014 Январь
- 2014 Февраль
- 2014 Март
- 2014 Апрель
- 2014 Май
- 2014 Июнь
- 2014 Август
- 2014 Сентябрь
- 2014 Октябрь
- 2014 Ноябрь
- 2014 Декабрь
- 2015 Январь
- 2015 Февраль
- 2015 Март
- 2015 Апрель
- 2015 Май
- 2015 Июнь
- 2015 Сентябрь
- 2015 Октябрь
- 2015 Ноябрь
- 2015 Декабрь
- 2016 Январь
- 2016 Февраль
- 2016 Март
- 2016 Апрель
- 2016 Май
- 2016 Июнь
- 2016 Сентябрь
- 2016 Октябрь
- 2016 Ноябрь
- 2016 Декабрь
- 2017 Январь
- 2017 Февраль
- 2017 Март
- 2017 Апрель
- 2017 Май
- 2017 Сентябрь
- 2017 Октябрь
- 2017 Ноябрь
- 2017 Декабрь
- 2018 Январь
- 2018 Февраль
- 2018 Март
- 2018 Апрель
- 2018 Май
- 2018 Сентябрь
- 2018 Октябрь
- 2018 Ноябрь
- 2018 Декабрь
- 2019 Январь
- 2019 Февраль
- 2019 Март
- 2019 Апрель
- 2020 Март
- 2021 Апрель
- 2021 Октябрь
Друзья сайта
Главная » 2014 » Февраль » 18 » Болҕойуҥ! Саҥа үөрэх кинигэлэрэ
05:24 Болҕойуҥ! Саҥа үөрэх кинигэлэрэ | |
| Саха Өрөспүүбүлүкэтин үөрэҕин министиэристибэтэ, Саха Өрөспүүбүлүкэтин национальнай оскуолаларын чинчийэр научнай институт, С.А. Новгородов аатынан «Бичик» национальнай кинигэ кыһата көҕүлээһиннэринэн бу дьыл олунньу 6 күнүгэр «Бэчээт Дьиэтин» Пресс-Киинигэр «Саха тылынан иитэр-үөрэтэр тиһиги сайыннарыы туһунан» диэн ааттаах 120 киһи кыттыылаах төгүрүк остуол буолан ааста. Кэпсэтиһиигэ оскуола учууталлара, учуонайдар, учебник ааптардара, худуоһунньуктар, кинигэ кыһатын, үөрэх салалтатын үлэһиттэрэ, общественнай тэрилтэлэр кытыннылар. Тэрээһин бастакы түһүмэҕэр СӨ үөрэҕин министиэристибэтин уопсай үөрэхтээһин отделын салайааччыта Ситникова Н.В. үөрэх систематыгар туох оҥоһуллубутун, былааннанарын иһитиннэрдэ. Ол курдук, сахалыы алын сүһүөх үөрэх оскуолатыгар анаан, "Төрөөбүт тыл”, "Литературнай ааҕыы”, "Саха республикатын норуоттарын култуурата”, "Физическэй култуура” диэн үөрэх программалара бэчээттэнэн тахсыбыттарын, "Саха тыла” диэн нуучча тылынан 2-9 кылаастарга үөрэнэр оҕоҕо аналлаах үөрэх босуобуйата бэчээттэнэн тарҕаммытын, 2012-2013 үөрэх дьылыгар федеральнай үөрэх стандартын ирдэбилинэн бастакы кылаастан үhүс кылааска диэри алта үөрэх бырагыраамматынан "Ойуулуур-дьүһүннүүр ускуустуба”, "Технология”, "Музыка”, "Тулалыыр эйгэ”, "Математика” предметтэргэ учебниктар тылбаастанан тахсыбыттарын иһитиннэрдэ. Салгыы, былааҥҥа улуустааҕы үөрэх управленияларын сайаапкаларынан тылбаастанар учебниктар, федеральнай үөрэх стандардын ирдэбилинэн тахсар учебниктар киирбиттэрин, судаарыстыбыннай программа чэрчитинэн хотугу норуоттар тылларынан учебниктар бэчээттэммиттэрин кэпсээтэ. Үөрэх тэрилтэлэрин программаларынан, үөрэх кинигэлэринэн хааччыйарга тус кылааттарын киллэрэр партнер-тэрилтэлэргэ уонна ааптардарга министерство махталын тириэртэ. Онтон СӨ национальнай оскуолаларын чинчийэр научнай институт дириэктэрэ Семенова С.С. «Саха оскуолата» диэн саҥа айыллыбыт үөрэх систематын билиһиннэрдэ. Ол кэннэ «Литература ааҕыыта», «СӨ норуоттарын култуурата», «Саха тыла», «Физическэй култуура», «Төрүт дьарык», «Ахсаан» ааптардара үөрэх методическай кэмпилиэктэрин билиһиннэрдилэр. Оҥоһуллубут үөрэх кинигэлэрэ ис хоһооннорунан ФГҮөС ирдэбилигэр эппиэттииллэр, оҕо сааһыгар уонна уйулҕатыгар сөп түбэһэллэр, оскуола иннинээҕи уонна орто сүһүөх оскуола түһүмэхтэрэ учуоттанан, түөрт сыллаах алын сүһүөх оскуола бары кылааһыгар стандарт түмүк ситиһиитин хааччыйардык бүтэһиктээхтик оҥоһуллубуттар. «Бичик» НКК директорын солбуйааччы Луковцев В.Н. учебниктары федеральнай перечеҥҥэ киллэрии бэрээдэгэр 2013 сыл балаҕан ыйын 5 күнүнээҕи 1047№дээх бирикээһинэн уларыйыы киирбитин, онно олоҕуран, үөрэх кинигэлэрэ электроннай сыһыарыылаах уонна методическай ыйынньыктаах буолаллара ирдэнэрин, үөрэх министерствота, ааптардар өйдөрүн-санааларын түмэн үлэлииллэрин бэлиэтээтэ. Республика оскуолаларын үөрэх кинигэлэринэн хааччыйарга бииргэ үлэлэһэр тэрилтэлэригэр махтанна. Иккис түһүмэххэ общественнай тэрилтэлэр, общественнай-профессональнай түмсүүлэр, төгүрүк остуол кыттыылаахтарасаха тылынан иитэр-үөрэтэр тиһиги сайыннарыы туһунан санаа атастастылар. Саха Республикатын үтүөлээх, Чурапчыга С.А. Новгородов аатынан оскуолаҕа физкультура учуутала Кривошапкин Владислав Николаевич "Физическэй култуура” диэн сахалыы тылынан тахсыбыт программа туһунан санаатын эттэ. 1986 сыллаахха ЮНЕСКОтан сылдьар делегацияҕа сахалыы уруогу ыытаҕын диэбиттэригэр аан бастаан физкультура уруогун сахалыы ыыппыт. Оҕолор наһаа астыммыттар уонна уруогу сахалыы ыытарыгар көрдөһөр буолбуттар. Билигин кыра кылаастарга сахалыы уруок ыытар буолан, киниэхэ олус наадалаах программа тахсыбытын биһирээтэ. Салгыы үөрэх кинигэтэ уонна электроннай пособие тахсара буоллар, онно көмөлөһөр баҕатын биллэрдэ. Республиканскай лицей-интернат дириэктэрэ Иван Иванович Шамаев саха норуота сайдарын туһугар бары түмсүүлээх буоллахха, ханнык баҕарар дьыала кыалларын тоһоҕолоото. Оттон "Кэскил” хаһыат редактора Анатолий Николаевич Павлов-Дабыл оҕо хаһыатыгар суруттарыы мөлтөҕүн, билиҥҥи сайдыылаах олоххо ааҕыы туһунан бэйэтин санаатын эттэ. Түмүктээн эттэххэ, оҥоһуллубут учебниктар олоҥхо педагогикатын төрүттэригэр, «Россия гражданинын личноһын сиэрин-майгытын сайыннарыыга уонна иитиигэ концепциятыгар», федеральнай государственнай стандарт методологическай төрүттэригэр, дидактическай ирдэбиллэригэр олоҕураллар. | |
| Категория: Учеба | Просмотров: 445 | Добавил: Бсош | |