Быйылгы оскуолабыт саҥа дьыла олус интэриэһинэй түгэннэри, үөрүүлээх кэмнэри, саҥа талааннары арыйда.

Ол курдук үгэс быһыытынан, үҥкүү кэрэ эйгэтигэр уйдаран остуоруйа дьоруойдарын баала буолбута. Онтон салгыы Белоснежка уонна сэттэ гномнар мүччүргэннээх сырыыларынан Тымныы дойду саарыстыбатын абылаҥыттан быыһаныылара кэлбит ыалдьыттары олус үөрдүбүтэ.

Онус кылаастар “101 далматинец» кафелара үлэлээн дьон-сэргэ тото-хана аһаабыттара.

Киэһэ өттүгэр “Вечер у Нагиева” диэн сонун “телешоуга” кылаастартан саамай талааннаах оҕолор араас артыыстары пародиялаабыттара.

Ама умнуохпут дуо, Платон Билалов 5 кылаас уерэнээччитэ, Иосиф Кобзону оруобуна үтүктүбүтүн, 9 кылаастар эстрада артыыстарын уот харахха түһэрэн ылбыттарын, 8 кылаас Анжелина Дорофеева Лолитатын уонна кини кыра доҕорун, 10 кылаас кыргыттара “BoneyM” омук артыыстарын тэтимнээх үҥкүүлэринэн үөрдүбүттэрин.

Барыта олус кэрэ, олус сонун этэ. Эһиилги саҥа дьыл өссө сонун, умнуллубат түгэннэри аҕаллын!!!

Петрова Кристина 6 кылаас.