Учуутал күнэ

Бордоҥ орто оскуолатыгар Учуутал күнэ олус тэрээһиннээхтик оҕолор бэйэни салайыныыларын саҥа президент Саргы Попова аан бастакы тэрээһинин быһыытынан ааста.

Ол курдук, саламта оҕолоро көхтөөх баҕайытык хаһыат таһаардылар, открытка оҥордулар. Учууталларга анаан Yөрүүлээх линейкаҕа ырыа да ыллаатылар, хоһоон да аахтылар, минньигэс тордунан күндүлээтилэр.

Учуутал күнүн хас да оскуола буолан бииргэ!

Бордоҥ, Хадан, Тэҥкэ оскуолалара учуутал күнүн бырааһынньыгын бары бииргэ олус үчүгэйдик, тэрээһиннээхтик ыллыбыт. Аан бастаан спортивнай күрэххэ күрэстэстибит. 1 м.- Бордоҥ учууталлара, 2м.-Хадан учууталлара, 3 м.-Тэҥкэ учууталлара буоллулар онтон салгыы ырыа, үҥкүү, оонньуу ыытылынна. Бары дуоһуйа кытынныбыт .

Бырааһынньыгы естественнэй – МО салайан, тэрийэн ыытта.

Оскуолабыт аатыттан барҕа махтал!

Самоуправление күнэ

Алтынньы 7 күнүгэр 11 кылаас үөрэнээччилэрэ учуутал оруолун толордулар. Бу күн оҕолорго сүрдээх интэриэһинэйдик ааста.

Кырдьаҕастарга көмө

Ааспыт нэдиэлэ «Аҕа саастаах дьоҥҥо көмө» чэрчитинэн ыытылынна. Ол курдук биһиги оскуола үөрэнээччилэрэ 1-11 кылааска диэри уруккулуу «Тимуровскай үлэҕэ» сырыттылар: сорохтор мас хайыттылар, сорохтор буор тастылар, сорохтор эҕэрдэ ырыа ыллаатылар.

Кырдьаҕас дьоммут барахсаттар үөрэ-көтө көрсөн, астыннылар, махталларын эттилэр.

«Yтүө дьыалата оҥор» акция

Ааспыт нэдиэлэ устата «Yтүө дьыаланы оҥор» диэн ааттаах акция хаһыс да сылын биһиги оскуолабытыгар олус тэрээһиннээхтик ыытыллар. Ол түмүгэр оҕолорбут соһуччу үтүө дьыалалары оҥорон, чугас дьоннорун үөртүлэр, соһуттулар.

Предметнэй олимпиадалар:

Хас биирдии предмекка оҕо билиитин тургутар олимпиадалар буолан аастылар.

Ол курдук, манна бастаабыт уонна миэстэлэспит оҕолор куста, улуус предметнэй олимпиадатыгар оскуолаларын чиэһин көмүскүөхтэрэ.

ОГЭ-ЕГЭ саамай эппиэттээх кэмнэрэ кэлиэхтэригэр диэри.

Күһүҥҥү ОГЭ-ЕГЭ тестированиета биһиги оҕолорбутугар сонун буолбатах ол курдук, бу эрчиллэр тестированияны толоро үөрэннэххэ оҕо дьиҥнээх экзамеҥҥа бэлэмнээх соҕус тиийэрэ саарбаҕа суох.

Оскуола бэйэни саламтатын баһылыга – Саргы Попова.

Саргылаана Попова оскуола 10 кылааһын биир бастыҥ үөрэнээччитэ, активиһа. Куоластааһын түмүгэр кини 77 куолаһы ылан кыайда.

Оскуолабыт бу үөрэх дьылын президенэ буоларын быһыытынан инаугурацията алтынньы 4 күнүгэр оскуола актовай саалатыгар буолбута.

Саргы мэктиэ тылын этэн, бэйэтин бииргэ үлэлиир оҕолорун билиһиннэрбитэ. Кинилэргэ ситиһиини баҕарабыт!

«Сардаҥа» ансаамбыл бастыҥнар кэккэлэригэр.

Ааспыт бээтинсэҕэ «Сардаҥа» фольклорнай ансаамбыл оҕолоро 2017 сыл түмүгүнэн саамай бастыҥ ансаамбыллар, кыттыылаахтар ортолоругар киирэн Сунтаар нэһилиэгин «Бартыһаан» культурнай кииҥҥэ кэнсиэргэ киирэн кыттан таҕыстылар.