Аввакумов Роман Гаврильевич

(бэс ыйын 4 күнэ 1933 сыл – от ыйын 13 кунэ 2010 сыл)

 1898 сыллаахха Улууска Дьаархан нэһилиэгиттэн үс нэһилиэк буолан арахсан Хадан, Дьаархан, Сунтаар нэһилиэктэрэ үөскээбиттэрэ. Онон Туойдаах Хадан нэһилиэгин территориятыгар киирсэн, кини дьаһалыгар киирэн 1950 сыллаахха диэри олорбуттар. Онон Туойдаах оҕолоро Хадан начальнай оскуолатыгар эдьийдэрэ Таня, Катя, Наташа, убайдара Коля, Егор үөрэммиттэр. Эһээбит 1945 сыллаахха Сунтаар оскуолатыгар 1 кылааска үөрэммит. Онтон Туойдаахха 1947 сыллаахха оскуола аһыллан 3-4 кылааска үөрэнэн баран 1949 сыллаахха Сунтаарга 5-с кылааска үөрэммитэ. 7-с кылааска үөрэнэ сылдьан, уурайан аҕатын кытта электростанцияҕа уонна ол эргин ыалларга уу баьан үлэтин саҕалаабыта. 1953 сыллаахха ийэбит өлөн устунан олох да колхуос үлэһитэ буолан хаалар. Кэлин киномеханикка үөрэнэн Сүлдьүкээргэ үлэлээбит кэмнэригэр кинопаапратууратын сүгэ сылдьан чуумнарынан киинэ көрдөрөр. Садыцца олорон табаннан сылдьан киинэлэрин көрдөрөр эбит. Табаһыттарга күүтүүлээх киһиннэн буолар., онтон улууһугар кэлэн баран Тэӊкэҕэ үлэһитинэн анан тахсан үэлиир. 1970 сыллаахха сүрэҕин аӊаарын булан норуокка биллэринэн «Отут кыыстаах Оторуустан» доярканнан үлэлии сылдьар кыыһы Аввакумова (Яковлева) Варваря Михайлованы кэргэн ылан биир уол оҕону төрөтөн мааны ыал буолан олороллор. Онно Роман Оторууска тракториһынан үлэлии кэлэр. Онтон эдэр ыалы Нээлбиктэҕэ көһөрөллөр. Уолларын Карлы илдьэ бараллар. Кэргэнэ Варвара дояркалыыр, Роман котельнайга үлэлиир. Аны Нээлбиктэҕэ үлэлии сырыттахтарына төттөрү Тэҥкэҕэ эбээбит Варвара быраата Бүөтүр ыарытыйарын иһин кэлэллэр. Онтон ыла Тэҥкэҕэ олохсуйаллар.

 Биһиги эһээбит хас да үөрэххэ үөрэммит. Киномеханик, охотовед. Дьокуускайга охотовед үөрэҕин бүтэрэн баран куоракка пушнягынан үлэлии сылдьыбыт. Тэҥкэҕэ олорор кэмнэригэр кадровай булчуттар бултаан киирдэхтэринэ түүлээхтэрин тутан Бордоҥ совхоз охотоведыгар илдьэн туттарар. Ону таһынан биригэдьиирдээн, кочегаардаан, заправщигынан таһаарыылаахтык үлэлээн кэлбитэ. Ити үлэлиир кэмигэр 1973 сыллаахха сэтинньы ый түмүгүнэн сүөһүнү кыстатыыга ситиһиилэрин иһин Сунтаар оройуонун Бочуотун дуоскатыгар киирбитин туһунан СВИДЕТЕЛЬСТВО бэриллибит.

 Эһээбит хос эһэтэ Аввакумов Прокопьевич Николаевич бэйэтин түбэтигэр улахан от охсоочу быһыытынан биллэр эбит. Горбуша, Литовка хотуурунан күӊӊэ 3 – түү дэһээтинэ(га) сири охсоро үһү. Онтон эһэтэ Хабырыыс бэйэтин кэмигэр эмиэ биир бастыҥ от охсооччута буола сылдьыбыт. Төрөөбүт түбэтигэр Одоҕо үс, түөрт буолан колхоһун сүөһүтүн кыстыыр отун илиинэн охсон кээһэллэрэ диэн этэллэр эбит. Онтон биһиги эһээбит Роман Гаврильевич эмиэ бэйэтэ илииннэн от охсон сай устата кырдьан да баран 5-6 оту туруорара. Биһиги хаһан эмит кээһэн биэрэр этибит.

 Тыыл, үлэ бэтэрээнэ, Тэҥкэ нэһилиэгин Бочуоттаах олохтооҕо. Улуус, совхоз элбэх бочуотунай грамоталарынан, махтал суруктарынан, Улуу Кыайыы, Өктөөп, Саха Өрөспүүбүлүкэтин үбүлүөйүнэй мэтээллэринэн наҕараадаламмыта. Ону таһынан «Член общественной охраны природы» тэрилтэҕэ общественник быһыытынан таһаарыылаахтык үлэлэспитэ.

 Биһиги эһэбитинэн киэн туттабыт.

Ахтыыны бэйэтин кэпсээниттэн суруйда,

кийиитэ Валентина Дмитриевна Яковлева.

Муус устар 20 күнэ 2022 сыл. Тэҥкэ нэһилиэгэ.