Үлэ ветерана

Матрена Федотовна МИХАЙЛОВА,

2015 с. муус устар 16 күнэ:

Мин 1939 с. атырдьах ыйын 2 күнүгэр Курун Балаҕаҥҥа төрөөбүтүм. 1942 с. төрөппүттэрбин колхоз сорудаҕын толорууга Кэппэндээйигэ туус хостооһунугар ыыппыттар. Дьиэ кэргэн бүтүннүү сыарҕалаах атынан икки хонугунан айаннаан тиийбит үһүбүт. Миһ оччолорго иккилээх оҕобун, онон өйдүүрүм бэрт кыра, дьонум, убайдарым кэпсээнинэн билэбин. Кинилэр ол саҕанааҕыны үчүгэйдик өйдүүр, кыһыл илиилэринэн көмөлөспүт дьон буолан, ордук сиһилии суруйбуттарын хатылыы барбаппын. Мин детсадка сылдьыбытым, кыра да буолларбын дьон наар күрдьэх тута-тута үлэлии сүүрэллэрин уонна детсадтан кэлэн иһэн хаайыылаахтар олорор сирдэригэр вышкаҕа үлэлиир үтүө санаалаах киһиэхэ (кэлин билбитим биир дойдулааҕым, Бордоҥ киһитэ Николаев Степан эбит) убайырҕаан сылдьар үһүбүн. Онно хаайыылаахтар дьиэлэрин, оҕолорун ахтан буолуо, миэхэ, саахар, кэмпиэт биэрэллэрин сиэри сылдьарым буолуо ээ. Ийэм наар миигин онтон сылгылыыр буолара дииллэр. Дойдубутугар 1946-1947 с. төннөн кэлбиппит.

Улаатан баран араас үлэлэргэ үтүө суобастаахтык үлэлээн, ветеран буолан, түөрт оҕолонон, сиэннэр минньигэстэрин билэн, 75 сааспын туолан билигин бочуоттаах сынньалаҥҥа олоробун