Тыыл, үлэ ветерана

Матрена Капитоновна ФЕДОРОВА туһунан

кыыһа тыыл, үлэ ветерана

Федорова Александра Гаврильевна:

Ийэм 1905 с. 2-с Киирэп түбэтигэр төрөөбүтэ. 1925 с. Федоров Гаврил Иннокентьевичка кэргэн тахсан Хадан Курсуйугар олорбуттар. 1938с. Бордоҥҥо көһөн кэлэн Кыһыл Баһыыка колхозка чилиэнинэн киирэн оҕуруот аһын үүннэриитигэрүлэлээбитэ. Уксакыга олорон 1942 с. кэргэнэ сэриигэ барбытыгар оскуолаҕа остуораһынан киирбитэ уонна кэргэнэ көрбүт сылгыларын көрөн хаалбыта. Элбэх оҕолооҕо, оҕолоро кыралара. Улахан оҕолорун араас үлэҕэ үлэлэтэн көлөһүн күн аахсара, кыралар бэйэлэрин- бэйэлэрэ көрсөн дьиэҕэ хаалаллара. Сэрии сылларыгар бэйэни харыстаммакка күүрээннээх үлэтин иһин Стахановка буолбута, “1941- 45сс. Аҕа дойду сэриитин кэмигэр килбиэннээх үлэ иһин» мэтээлинэн наҕараадаламмыта.

Матрена Капитоновна 12 оҕоломмута, герой ийэ 1-кы, 2-с степеннээх орденнааҕа. Оҕолоруттан 7-тэ хаалан дьиэ-уот тэринэн, ыал-күүс буолбуттара, онон ыччаттара элбэхтэр.