Ийэ күнүнэн эҕэрдэ!

Мин ийэм саймаархай саҥалаах

Мин туспар кыһаллар

Хомойбут санааттан араарыа

Мин ийэм кыраһыабай

Ийэм миигин уоскутар

Нап-нарын ырыалаах

Мин ийэбин таптыыбын

Кимиэхэ да тэҥниэхпин билбэппин

Көмүскэ, алмааска биэрбэппин.

Тапталлаах оҕоҥ

Молдагулов Аскар 6 кылаас.

************************************

Ийэ күнүнэн эҕэрдэ

Эн сылаас илиигин тыытаммын,

Сүрэҕим сылааһырар.

Эн кууһаргын, сыллыыргын олус да сөбүлүүбүн,

Куруутун саныы сылдьыам эйигин эрэ.

Төһө да ырааттахпына,

Хас кун ахсын саныы сылдьыам.

Эн минньигэстик лэппиэскэни, бэрэскиини астыыргын,

Хаһан да умнуом суоҕа.

Эн миигин улахан киһи буоларга уорэтэҕин,

Мин эйиэхэ махтанабын!

Күндү ийэбин,

Ийэ күнүнэн эҕэрдэлиибин!

Эн оҕоҥ Кира!

6 кылаас. Лукина Кира

*******************************

Ийэ туһунан эҕэрдэ

Ийэ диэн кэрэ куоластаах, үчүгэй санаалаах, аһыныгас, өйдөөх, барытын өйдүүр, эйэҕэс, үчүгэй майгылаах. Ити мин ийэм.

Ийэм аата Павлова Сусанна Николаевна. Кини Бордоҥ оскуолатын учуутала. Ийэм асчыт, ырыаһыт, араас конференцияларга кыттар, кылаас салайааччы. Мин ийэм үс оҕолоох. Бастакы мин убайым Куока, иккис эдьийим Аня, онтон үһүс мин Вася.

Биһиги бары ийэбитин таптыыбыт уонна мин кыраһыабай ийэбэр баҕарабын уһун үөрүүлээх олоҕу, кытаанах доруобуйаны уонна дьолу-соргуну!

Эн оҕоҥ Вася.

6 кылаас. Павлов Вася

*****************************

Мин ийэм.

Мин ийэм аата Петрова Любовь Геннадиевна диэн. Кини Хаҥалас улууһугар Улахан-Аан нэһилиэгэр бастакы кыыс оҕонон күн сирин көрбүтэ. Ийэм 1981 сыллаахха, тохсунньу 26 күнүгэр төрөөбүтэ. Иллэҥ кэмигэр ыллыырын уонна киинэ көрөрүн сөбүлүүр.

Ийэ курдук кэрэ киһи аан дойдуга суох. Ийэ – мин күндү киһим, мин ыарахан түгэннэрбэр наар өйдүүр-өйүүр киһим. Саамай бэһиэлэй, эйэҕэс, өйдөөх, кыраһыабай уонна кэрэ мин ийэм!

Мин ийэбин олус күүскэ таптыыбын!

6 кылаас. Кристина Петрова.

*****************************

Мин ийэм аата Ульяна Титовна диэн. Кинини иккис үөрэх биэрэр ийэ буолар. Кини үөрүнньэҥ-көтүнньэҥ майгылаах, амарах санаалаах.

Ийээ, мин эйигин эҕэрдэлиибин, баҕарабын улахан дьолу уонна үөрүүнү баҕарабын!

Ийэҕэ эҕэрдэ!

Ийэ диэн аһыныгас

Ийэ диэн көмүскэс

Кини олус күндү

Кинитэ суох туох да суох

Эн биһиэхэ олус күндүгүн

Алмаастан көмүстэн

Эйигин талабын

Эн күндү оҕоҥ Яковлев Сергей

Ийэ күнэ тэрээһиннээхтик ааста

Ааспыт нэдиэлэҕэ биһиги оскуолабытыгар Ийэ күнүн олус тэрээһиннээхтик, уратытык бэлиэтээтибит. Ол курдук, нэдиэлэ устата оҕолор ийэҕэ анаан хоһоон айдылар, өйтөн суруйдулар, ийэлэрин мэтириэттэрин уруһуйдаатылар, сэмэй бэлэхтэрин үлэ уруоктарыгар оҥордулар.

Ийэ күнүгэр аналлаах кылаастарынан «Брейн-ринг» ыытылынна. Манна ийэ уонна оҕо кыттыылаах бэрт тэрээһин олус сэргэхтик ааста.

Нэдиэлэ түмүгэр, ийэлэрбит барахсаттар караоке ыллаатылар, «Ийэм сылаас илиитинэн» выставка тэрилиннэ, «Мин уонна тапталлаах Ийэм» хаартысканан презентация көрдөрүлүннэ. Бу күн ийэлэрбит чахчы даҕаны таланнаахтарын, кэрэлэрин, көхтөөхтөрүн көрдүбүт. Оҕолор ийэлэрбитигэр махтанан истиӊ, иһирэх ырыалары ыллаатыбыт, хоһооннору эттибит уонна ис сүрэхтэн оҥорбут сэмэй бэлэхтэрбитин туттардыбыт.

Ийэҕэ махтал өрүү баар буоллун!

Карина Маппарова 7 кылаас үөрэнээччитэ.