Дуобат тумара хонуутугар

Бордоҥ орто оскуолатын дуобатчыт оҕолоро, тренер Николаева А.Д. буолан, Ньурба Антонавкатыгар балаҕан ыйын 24 күнүгэр, өрөбүлгэ күрэхтэстилэр.

Бу Сунтаар улууһун көмүскүүр региональнай турнирга биһиги оскуолабыт хамаандатын оҕолоро 2-с миэстэ буолан ноутбук, грамота кэһиилээх кэллилэр.

Өссө үрдүк ситиһиилэри баҕарабыт.

Патриоттары эҕэрдэлиибит

Улуустааҕы байыаннай патриотическай оонньуу быйыл Сиэйэҕэ ыытылынна. Бу күрэххэ биһиги оскуолабыт үрдүкү кылааһын оҕолоро, салайааччы Кычкин С.Н. буолан ситиһиилээхтик кыттан, 3 миэстэ буолан кэллилэр.

Патриоттарга, эдэр учууталы эҕэрдэлиибит.

Көмүс күhүн бэлэҕэ

Балаҕан ыйын 14 күнүгэр биhиги оскуолабытыгар «Көмүс күhүн бэлэҕэ» диэн ааттаах атыы-дьаарбаҥка олус тэрээhиннээхтик ыытылынна. Нэhилиэк дьоно балыктан,барыанньатыгар диэри астына атыыластылар 1-11 кылааска диэри оҕолор өлгөм астаах атыылары,выставкаларын дуоhуйа көрдүлэр.

Дьаарбаҥка бириэмэтигэр араас күрэхтэр ыытылыннылар. Ону таһынан «Күһүҥҥү бал» үҥкүү күрэҕэ буолла. «Мини Мисс и Мини Мистер Осеннего бала», «Мисс и Мистер Осеннего бала», «Король и Королева Осеннего бала» ааттар иҥэрилиннилэр.

Күhүн барахсан кэлбитэ үчүгэйиэн!

Хамсаныылаах перемена

«Трезвость» нэдиэлэтин чэрчитинэн, 4 уруок кэнниттэн учууталлар, оҕолор саҥа тутуллубут спортивнай площадкаҕа тахсан, эттэрин-хааннарын чэбдигирдэн, тэтимнээхтик хамсаннылар.

Маннык переменалар тиhигин быспакка буола туралларыгар!