Өрөспүүбүлүкэ күнэ

Балаҕан ыйын 27 күнэ – сахалар сомоҕолоһор күннэрэ. Өрөспүүбүлүкэ үтүө бырааhынньыгын биhиги оскуола оҕолоро, учууталлара үөрэн–көтөн туран бэлиэтээтибит.

Ол курдук, үгэс быhыытынан, бу күн бары сахалыы таҥастаах кэллилэр. Хас перемена аайы саха гимнэ, сахалыы музыка тыаhаата.

Үөрүүлээх линейкаҕа Сувернитет туhунан олус интэриэhинэй бэсиэдэни история учуутала Иванова И.К. оҥордо. Салгыы эҕэрдэ тыллары эттиллэр Павлова С.Н., Алексеева М.М.

Тэрээhини быйылгы үөрэх дьылыгар саҥа анаммыт иитэр улэҕэ саабыс Петрова Л.Г. иилээн – саҕалаан ыытта.

Футбол хонуута – Бордоҥҥо!

Ааспыт нэдиэлэ бүтэhигэр Бордоҥҥо утуу – субуу араас тэрээhин бөҕө ыытыллынна.

Ол курдук кунус 2ч. Куттах баай былыргы ампаарын музей комплекса аhыллыытын тэҥэ оскуола площадкатыгар оҕолорго футболлуур күөх хонуу аанын лиэнтэтэ быhылынна. Уол оҕо көҥүл көччүйэр, эт – хаан өттүнэн чэбдэгирэр сирэ баар буолла диэн эттэ Н.М.Егорова бу барайыагы олоххо киллэрбит баhылык.

Онтон салгыы өссө биир утуе сиргэ – ыччат скверин үөрүүлээхтик астылар, мас бө5ө олоттулар.

Бордоҥ орто оскуолатыгар бэйэни салайыныы быыбара

Биhиги оскуолабытыгар бэйэни салайыныы быыбара, дьиҥнээх быыбартан туох да уратыта суох, олус тэрээhиннээхтик ыытылынна.

Ол курдук, оскуола президенигэр кандидаттар ураты хайысхалаах программа оностон дебакка кыттан, санааларын кэпсээтилэр.

Бу үөрэх дьылыгар үрдүкү кылаас үс кыыhа президент буоларга баҕа санааларын эппиттэр: Алексеева Люся 11 кл., Попова Саргы 10 кл., Тихонова Маша 9 кл.

Быыбар субуотаҕа ыытылынна. Оскуола учууталлара, үөрэнээччилэрэ бары кытыннылар, быыбары өйөөтүлэр.

Түмүккэ 77 куолаhы ылан 10 кылаас үөрэнээччитэ, Попова Саргылаана оскуола президенэ буолла.