Ааспыт субуотаҕа Сардаҥа нэһилиэгэр Бордоҥ орто оскуолатын 85 сылын бэлиэтиир дьоро күнэ буолан ааста. Үөрүүлээх күнү көрсө өрөспүүбүлүкэ араас муннугуттан оскуолаттан кынат үүннэринэн, дьоһуннаах дьон буолбут үгүс киһи кэлбит.

Үбүлүөй бырагырааматын чэрчитинэн эбиэккэ диэри оскуола 85 сыллаах устуоруйатын сиһилии кэпсиир түмэлгэ оскуоланы араас сылларга бүтэрбит выпускниктар сэдэх матырыйааллары көрдүлэр, аһаҕас уруоктарга сырыттылар. Ол кэннэ «Айыллаан» култуура дьиэтигэр бырааһынньык үөрүүлээх чааһа буолла. Онно СӨ үөрэҕин министиэристибэтиттэн эҕэрдэ тылы Ян Алексеев эттэ уонна бастыҥ үлэлээх учууталларга Арассыыйыскай Федерация Бочуотунай үлэһитэ, СӨ үөрэхтээһинин туйгуна диэн бэлиэлэри, өрөспүүбүлүкэ Агро-сойууһуттан 4 грамотаны, итиэннэ кырдьаҕас учууталга Бочуоттаах бэтэрээн бэлиэтин туттартаата. Салгыы улуустааҕы үөрэҕирии салаатын начаалынньыга Гаврил Еремеев барылары ... Читать дальше »