НИКОЛАЕВ Аввакум Ефремович

(1905-1989)

“Память”, 4 том, с. 165

Наҕараадалара: «Германияны кыайыы иһин» (1948 с.), «Хорсунун иһин» (1980 с.), «Үлэҕэ килбиэнин иһин» (1966 с.), элбэх үбүлүөйдээх мэтээллэр.

1905 с. Сунтаар улууһун Бордоҥ нэһилиэгэр төрөөбүтэ. Сэрии иннигэр Каганович аатынан колхоз бастыҥ үлэһитэ, Бүтүн Союзтааҕы тыа хаһаайыстыбатын быыстапкатын кыттыылааҕа. Сэриигэ 1941 с. ыҥырыллыбыта. Арҕаа фроҥҥа 1190-с саппаас, 21 гвардейскай стрелковай полка 232-с отделениетын састаабыгар сэрии саҕаланыаҕыттан бүтүөр диэри Берлиҥҥэ тиийэ сэриилэспитэ. 1944 с. балаҕан ыйын 20 күнүгэр бааһыран госпитальга сытан эмтэммитэ. Болгарияны, Венгрияны босхолоспута. 1945 с. атырдьах ыйыгар демобилизацияламмыта.