НИКОЛАЕВ Игнатий Яковлевич

(1919-2011)

Наҕараадалара: Аҕа дойду сэриитин 2-с степеннээх ордена, элбэх бойобуой уонна үбүлүөйдээх мэтээллэр, «Гражданскай килбиэн» бэлиэ. Норуот үөрэҕириитин туйгуна.

1919 с. ахсынньы 5 күнүгэр Бордоҥ нэһилиэгэр төрөөбүтэ. Сэрии иннигэр Н.Г. Чернышевскай аатынан Бүлүүтээҕи педагогическай училищены кэтэхтэн үөрэнэн бүтэрбитэ. Дойдутугар уонна Хадаҥҥа начальнай кылаастарга учууталлаабыта. 1941-1943 сс. оройуоннааҕы үөрэх салаатыгар инспекторынан үлэлээбитэ. 1943 с. от ыйын 11 күнүгэр Кыһыл армияҕа сулууспаҕа ыҥырыллан, Забайкальскай полка састаабыгар артиллерист быһыытынан дьоппуон интервеннэрин утары сэриилэспитэ. 1945 с. ахсынньыга демобилицияланан, дойдутугар эргиллэн кэлбитэ. Уһуннук норуот үөрэҕириитин ситимигэр, ол иһигэр Марба детдомугар дириэктэринэн таһаарыылаахтык, айымньылаахтык үлэлээбитэ.