СПИРИДОНОВ Дормидонт Алексеевич

(1914-1994)

Наҕараадалара: «Японияны кыайыы иһин», кыайыы үбүлүөйдээх мэтээллэрэ.

1914 с. Хочо улууһун 2-с Бордоҥ нэһилиэгэр төрөөбүтэ. 1936 с. начальнай оскуола 4-с кылааһын бүтэрэн баран, салгыы үөрэммэккэ “Молотов” колкозка чилиэнинэн киирэн үлэлээн барбыт.

1941 с. атырдьах ыйыгар сэриигэ ыҥырыллан, маҥнай илин Забайкальскай фроҥҥа 209 стрелковай армияҕа автоматчик быһыытынан сылдьыбыт. Онтон 1032 №-дээх үлэ фронугар көһөрүллүбүт. Онно 541 №-дээх рабочай батальоҥҥа сулууспалаабыт.

Ити курдук Дормидонт Алексеевич сэрии бүтүөр диэри сулууспалаан баран, дойдутугар 1946 с. эргиллэн кэлбит. 1951 с. диэри колхозка үлэлээн баран, салгыы 1954 с. диэри Амакинскай экспедицияҕа рабочайдаабыт. Онон алмаас промышленноһын бэтэрээнэ.

Кэлин пенсияҕа тахсыар диэри Сунтаарга тутууга үлэлээбит.